پی ڈی ایم کا اجلاس، مریم کی شرکت لیکن بلاول نہیں ہیں

بول نیوز  |  Jan 18, 2021

پی ڈی ایم (پاکستان ڈیموکریٹک موومنٹ) اسٹیرنگ کمیٹی کا اجلاس جاری ہے۔

تفصیلات کے مطابق اسلام آباد میں پی ڈی ایم کے سربراہ مولانا فضل الرحمان کی رہائش گاہ پراسٹیرنگ کمیٹی کا اجلاس ہو رہا ہے، اجلاس میں ن لیگ کی مرکزی نائب صدر مریم نواز شریک ہیں لیکن پاکستان پیپلز پارٹی کے چئیرمین بلاول بھٹو مو جود نہیں ہیں۔

اجلاس میں الیکشن کمیشن کے باہر احتجاج کی حکمت عملی زیر غور آئے گی۔

اجلاس میں مسلم لیگی رہنما شاہد خاقان عباسی، پی پی پی رہنما راجا پرویز اشرف، زاہد خان اور دیگر رہنما شریک ہیں ۔

اس موقع پر مسلم لیگی رہنما مریم نواز نے کہاکہ پی ڈی ایم کی تحریک کو سست سمجھنے والے ناکام ہونگے۔

مسلم لیگ ن کی مرکزی نائب صدر اور سابق وزیراعظم نواز شریف کی صاحبزادی مریم نوازنے میڈیا سے بات کرتے ہوئے صحافی سے پوچھا کہ کیا آپ کو حکومت تیز ہوتی نظر آرہی ہے ؟

انھوں نے بتا یا کہ میں آج خصوصی طور پر مولانا فضل الرحمن کی دعوت پر اجلاس میں شرکت کررہی ہوں۔

صحافی نے  سوال کیا کہ پاکستان پیپلز پارٹی کے چئیرمین بلاول بھٹو آج بھی نہیں آپ کیا کہیں گی ۔

مریم نواز نے جواب دیا کہ بلاول اسٹرینگ کمیٹی کے ممبر نہیں ہیں اس لیے وہ نہیں آئے۔

صحافی نے پھر پوچھا کہ اسٹیرنگ کمیٹی کی آپ بھی ممبر نہیں ہیں ۔

مسلم لیگ ن کی مرکزی نائب صدر نے کہاکہ مجھے آج خصوصی طور پر اجلاس میں شرکت کی دعوت دی گئی ہے۔

 پی ڈی ایم نے 19 جنوری کو الیکشن کمیشن کے سامنے احتجاج کا اعلان کر رکھا ہے۔

ذرائع کے مطابق پاکستان پیپلز پارٹی کے چیئرمین بلاول بھٹو زرداری نے الیکشن کمیشن کے سامنے احتجاج میں شرکت نہ کرنے کا فیصلہ کیا ہے، احتجاج میں پیپلز پارٹی کا وفد شرکت کرے گا۔

دوسری جانب وزیرداخلہ شیخ رشید کی زیر صدارت پی ڈی ایم کے الیکشن کمیشن کے باہر احتجاج سے نمٹنے کیلئے امن و امان سے متعلق اہم اجلاس آج طلب کر لیا گیا۔

اجلاس میں پی ڈی ایم احتجاج کےحوالے سے ضروری حفاظتی اقدامات کا جائزہ لیا جائے گا اور اہم تجاویز زیرغور آئیں گی۔

ذرائع کا کہنا ہے کہ سیکیورٹی کیلئے ایک ہزار اہلکارتعینات کرنے کی تجویز دی گئی ہے۔

اجلاس میں کمشنراسلام آباد اور آئی جی اسلام آباد سمیت قانون نافذکرنیوالےاداروں کے نمائندے شرکت کریں گے جبکہ پنجاب اور کے پی آئی جی پولیس بھی ویڈیولنک کے زریعے شریک ہوں گے۔

اس کے علاوہ ریڈ زون کنٹینرزفری رہے گا ،اپوزیشن کو اسٹیج نہیں بنانے دیا جائے گا اور نہ اپوزیشن کو ٹینٹ، لاوڈ اسپیکر کی اجازت ہوگی۔

اجلاس میں ریڈ زون ٹریفک کے لیے متبادل روٹ بھی زیر غور آئے گا۔

 ایس ایس پی آپریشن مصطفی تنویرسیکیورٹی کے انچارج ہوں گے ، انتظامیہ پی ڈی ایم سےاحتجاج کا وقت اور شیڈول طے کرے گی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More