مولیاں گاجر بیچ کر ہم ترقی نہیں کر سکتے ہیں، فواد چوہدری

بول نیوز  |  Jan 22, 2021

وفاقی وزیر سائنس اینڈ ٹیکنالوجی فواد چوہدری نے کہا ہے کہ ہم انڈسٹریل بائیو ٹیکنالوجی اور ایگرکلچر ٹیکنالوجی کو اکھٹا کررہے ہیں کیونکہ معمول کے آلو مٹر گاجر بیچ پاکستان آگے نہیں جا سکتا ہے۔

تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے پریس کانفرنس کرتے ہوئے کہا ہے کہ ماڈرن دنیا کو سیاستدان یا مولوی نے نہیں بلکے یونیورسٹیوں نے بنایا کیونکہ آگے جانے کے لیے سائنس کی ترقی انتہائی ضروری ہے۔

وفاقی وزیر کا کہنا تھا کہ بجلی اس لیے مہنگی کرنی پڑی کہ دس ہزار میگا واٹ جس کی ضرورت نہیں تھی اس کے معاہدہ نواز شریف نے کیا ہے اور اسی لئے 42 فیصد بجلی کے کارخانہ باہر سے آنے والے فیول پر ہے۔

اسکے علاوہ اپوزیشن پر بات کرتے ہوئے ان کا کہنا تھا کہ مریم بی بی جلسہ میں مہنگے ترین کپڑے پہنتی ہیں، حسن حسین کروڑوں روپے کی گاڑی چلاتے ہیں تو یہ پیسہ کہاں سے آرہے ہیں ہمیں بتا دیں۔

ان کا کہنا تھا کہ ہمیں کسی کو جیل میں رکھنے کا شوق نہیں ہے نوازشریف، خواجہ آصف عوام کا پیسہ واپس کریں، پھر دبئ میں رہیں یا جہاں مرضی جائیں۔

ان کا مزید کہنا تھا کہ اپوزیشن نے اصلاحات کا موقع گنوا دیا ہے اور اب فارن فنڈنگ پر تمام پارٹیز کا آڈٹ ہوکر سامنے آنا چاہیے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More