عاطف اسلم کے سلام عاجزانہ نے سب کے دل جیت لیے

ہم نیوز  |  Apr 19, 2021

بین الاقوامی شہرت یافتہ پاکستانی گلوکار عاطف اسلم کا رمضان المبارک کی مناسبت سے نبی اکرمﷺ پر درود و سلام پیش کرتا کلام ’سلامِ عاجزانہ‘ ریلیز ہوتے ہی سب کے دل جیت لیے ہیں۔

عاطف اسلم کے نئے کلام کو یوٹیوب پر ریلیز ہونے کے تین دن کے اندر 28 لاکھ سے زائد افراد نے دیکھ لیا ہے۔

گلوکار عاطف اسلم کے یوٹیوب چینل پر جاری کی گئی اس 5 منٹ اور 8 سیکنڈ کی ویڈیو میں تمام گلوکاروں کو دردو و سلام پڑھتے دکھایا گیا ہے۔

خیال رہے کہ عاطف اسلام کے پڑھے گئے کلام ہمیشہ سے عوام میں مقبولیت حاصل کرتے رہے ہیں۔

قبل ازیں عاطف اسلم کی جانب سے کوک اسٹوڈیو میں ’تاجدارِ حرم‘ پڑھا گیا تھا جسے کوک اسٹوڈیو کے مقبول ترین کلام کا اعزاز حاصل ہوا تھا۔

یہ بھی پڑھیں: 

اس کے علاوہ عاطف اسلم نے اسماء الحسنیٰ، وہی خدا ہے اور اذان کا تحفہ  بھی اپنے مداحوں کو پیش کیا تھا جسے عوام میں بہت مقبولیت حاصل ہوئی تھی۔

دوسری جانب سوشل میڈیا پر بھی عاطف اسلم کے نئے کلام کو بہت پسند کیا جا رہا ہے۔

ایک صارف نے تبصرہ کرتے ہوئے کہا کہ بے شک یہ کلام عاطف اسلم کی جانب سے اپنے مداحوں کے لیے بہترین تحفہ ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More