سپریم کورٹ نے الہ دین پارک سے متصل پویلین اینڈ کلب غیر قانونی قرار دے دیا

بول نیوز  |  Jun 14, 2021

سپریم کورٹ نے الہ دین پارک سے متصل پویلین اینڈ کلب غیر قانونی قرار دے دیا ہے۔

تفصیلات کے مطابق سپریم کورٹ کراچی رجسٹری میں سماعت کے دوران چیف جسٹس نے دو دن میں پویلین اینڈ کلب اور الہ دین پارک کا شاپنگ سینٹرگرانے کا حکم دیتے ہوئے کہا کہ پولیس اور رینجرز کی مدد سے فوری کارروائی کی جائے۔

ذرائع کے مطابق اس حوالے سے عدالت نے کہاکہ غیر قانونی طور پر زمین کو کنورٹ کرکے کمرشل کردیا گیا ، پارک کی زمین پر کمرشل سرگرمی کی اجازت نہیں دی جاسکتی۔

عدالت نےراشد منہاس روڈ پر یو بی ایل کمپلیکس سے متصل زمین بھی خالی کرانے کا حکم دیا ہے۔

دوران سماعت چیف جسٹس نے کے ڈی اے کو بڑا حکم دیتے ہوئے کہاکہ  کشمیر روڑ سے بھی تمام تجاوزات کا خاتمہ کریں،  جتنی مشینیں چاہیں لے کر جائیں اور سب گرائیں۔

انہوں نے کہاکہ کسی زمانے میں کشمیر روڑ پر بچے کھیلتے تھے، میں خود کشمیر روڑ پر کھیلتا رہا،آج کشمیر روڑ پر سب قبضے ہو گئے۔

عدالت نے کشمیر روڑ پر تمام کھیل کے میدان بحال کرنے کا حکم دیتے ہوئے کہاکہ اگر کوئی رکاوٹ ڈالے تو عدالتی حکم کی خلاف ورزی تصور ہوگا۔

واضح رہےکہ عدالت نے سماعت بدھ تک کے لیے ملتوی کردی۔

 

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More