ظفرگوہر نےشاہین شاہ آفریدی کا ریکارڈ توڑ دیا

سماء نیوز  |  Jun 18, 2021

فوٹو: پی ایس ایل

پاکستان سپر لیگ (پی ایس ایل) 6 میں اسلام آباد یونائیٹڈ کے لیفٹ آرم اسپینر ظفر گوہر نے پشاور زلمی کیخلاف میچ میں بدترین بالنگ کا نیا ریکارڈ قائم کردیا۔

ظفر گوہر نے گزشتہ روز پشاور زلمی کیخلاف میچ کے دوران 4 اوورز میں 65 رنز دیے جو پی ایس ایل کی تاریخ میں کسی بھی بالر کی بدترین کارکردگی ہے۔

اس میچ میں اسلام آباد یونائیٹڈ نے پہلے بلےبازی کرتے ہوئے 246 رنز بنائے جبکہ زلمی کو جیت کےلیے 247 رنز کا ہدف ملا، ہدف کے تعاقب میں زلمی کی ٹیم صرف 15رنز کی کمی سے میچ ہار گئی تاہم اس میچ میں ظفر گوہر کو 6 چھکے اور 4 چوکے پڑے۔

اس سے قبل پاکستان سپر لیگ میں 4 اوورز کے اندر سب سے زیادہ رنز دینے کا ریکارڈ شاہین شاہ آفریدی کے پاس تھا۔ جو انہوں نے لاہور قلندرز کی جانب سے کھیلتے ہوئے 2019 کے ایڈیشن میں بنایا تھا۔

شاہین شاہ آفریدی نے پی ایس ایل 2019 اسلام آباد یونائیٹڈ کیخلاف میچ میں چار اوورز کے دوران 62 رنز دیے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More