کے پی ایل، میرپور رائلز اور راولاکوٹ ہاکس کے درمیان میچ جمعہ کو ہوگا

بول نیوز  |  Aug 06, 2021

کشمیر پریمیئر لیگ کا افتتاحی میچ میرپور رائلز اور راولاکوٹ ہاکس کے درمیان جمعہ کو مظفر آباد میں کھیلا جائے گاْ۔

تفصیلات کے مطابق کشمیر پریمیئر لیگ کا آغاز جمعہ سے مظفر آباد میں  ہو گا جبکہ کے پی ایل کا افتتاحی میچ میرپور رائلز  اور  راولاکوٹ ہاکس  کی ٹیموں کے درمیان کھیلا جائے گا۔

مایہ ناز آل رانڈر شاہد آفریدی راولا کوٹ ہاکس کی کمان سنبھالیں گے جبکہ میر پور رائلز کی ٹیم  شعیب ملک کی زیرقیادت میدان میں اترے گی۔

کے پی ایل کے تمام میچز مظفر آباد کرکٹ سٹیڈیم میں کھیلے جائیں گے جبکہ کے پی ایل میں مظفر آباد ٹائیگرز، میر پور رائلز، باغ اسٹالینز ، کوٹلی لائنز ، راولا کوٹ ہاکس اور اوور سیز واریئرز کی ٹیمیں  ٹائٹل کے حصول کے لئے ایکشن میں نظر آئیں گی۔

کشمیر کمیٹی کے چیئرمین شہریار آفریدی نے اس ایونٹ کو خوش آئند قرار دیا ہے۔ کشمیر پریمیئر لیگ کے اولین ایڈیشن کے 19میں سے 12 میچز ڈے اینڈ نائٹ ہوں گے۔

کے پی ایل کوالیفائر میچ 14 اگست کو کھیلا جائے گا ، ایلیمینیٹر ون کا میچ 15 اگست اور دوسرا ایلیمینیٹر 16 اگست کو کھیلا جائے گا جبکہ کشمیر پریمیئر لیگ کا فائنل 17 اگست کو کھیلا جائے گا۔

اس موقع پر ڈائریکٹر آپریشنز تیمور خان کا کہنا تھا کہ کشمیر میں عالمی معیار کی کرکٹ لیگ کا انعقاد ہونے جا رہا ہے، مظفرآباد کرکٹ سٹیڈیم میں بین الاقوامی معیار کی فلڈ لائٹس کی روشنیوں میں شائقین کو بہترین کرکٹ دیکھنے کو ملے گی اور یہ پلیٹ فارم نوجوان کھلاڑیوں کو اپنی صلاحیتوں کے جوہر دکھانے کے لیے نہایت مناسب ثابت ہوگا۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More