خسرہ و روبیلا ویکسینیشن مہم میں پرائیویٹ اسکولز نے بھرپور کردار ادا کیا، حیدر علی

بول نیوز  |  Nov 28, 2021

آل سندھ پرائیویٹ اسکولز اینڈ کالجز ایسوسی ایشن چیئرمین حیدر علی نے کہا ہے کہ خسرہ و روبیلا ویکسینیشن مہم میں پرائیویٹ اسکولز نے بھرپور کردار ادا کیا ہے۔

حیدر علی نے خسرہ و روبیلا وائرس کے بارے میں بات کرتے ہوئے کہا کہ وزیر صحت کو وائرس کی ویکسینیشن عام کرانے پر پرائیویٹ اسکولز کے کردار کی تعریف کرنا چاہیے تھی۔

ان کا کہنا تھا کہ ہدف سے زیادہ بچوں کو ویکسینیشن پرائیویٹ اسکولز کے تعاون کے بغیر نا ممکن تھی، ڈائریکٹوریٹ پرائیویٹ انسٹیٹیوشنز سندھ نے مہم کو کامیاب بنانے میں اہم کردار ادا کیا ہے۔

انہوں نے کہا کہ محکمہ صحت کی جانب سے ایک ہی ماہ میں چار مہم میں پرائیویٹ اسکولز نے بھرپور تعاون کیا ہے۔

آل سندھ پرائیویٹ اسکولز اینڈ کالجز ایسوسی ایشن چیئرمین کا کہنا تھا کہ ہمیشہ کی طرح پرائیویٹ اسکولز ہر قومی مہم میں اپنا بھرپور کردار ادا کرتے رہیں گے۔

حیدر علی کا مزید کہنا تھا کہ صحت مند بچے ہی روشن پاکستان کی ضمانت ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More