یوکرین کا روس پر سائبر حملے کرنے کا الزام

بول نیوز  |  Jan 16, 2022

یوکرین نے روس پر اپنی حکومتی ویب سائٹ پر سائبر حملے کا الزام عائد کرتے ہوئے کہا ہے کہ روس کی اپنے پڑوسی ملک کے خلاف ’ہائبرڈ جنگ‘ میں شمولیت بڑھ رہی ہے۔

یوکرین کی وزارتِ ڈیجیٹل ڈیویلپمنٹ کی جانب سے بیان مائیکروسافٹ کے بیان کے ایک دن بعد سامنے آیا۔

مائیکروسافٹ کا کہنا تھا کہ یوکرینی حکومت کے درجنوں کمپیوٹر سسٹمز کو نقصان دہ میل ویئر سے متاثر کیا گیا۔

یوکرین کی وزارت کی جانب سے جاری ہونے والے بیان میں کہا گیا کہ تمام ثبوت اشارہ کرتے ہیں کہ سائبر حملوں کے پشت پر روس ہے۔ ماسکو ہائبرڈ جنگ مسلط کرنا جاری رکھے ہوئے ہے اور انفارمیشن اور سائبر اسپیسز میں اپنی فورسز بنانے کے لیے فعال ہے۔

یہ سائبر حملے روس کے یوکرین پر سرحدی حملوں کے خطروں کے طور پر سامنے آئے ہیں اور سفارتی محاذ پر اس شدید تناؤ کے لیے ہونے والے مذاکرات ساکت نظر آتے ہیں۔

مائیکروسافٹ نے ہفتے کو اپنے ایک مختصر بلاگ پوسٹ میں کہا کہ پہلے اسے میل ویئر کی شناخت جمعرات کو ہوئی۔ حملے کے ساتھ ایک ہی وقت میں 70 کے قریب یوکرینی حکومت کی ویب سائٹس وقتی طور پر آف لائن ہوگئیں۔

مائیکرو سافٹ نے ایک مختلف ٹیکنیکل پوسٹ میں کہا کہ متاثرہ سسٹمز میں متعدد حکومتی، غیر منافع بخش اور انفارمیشن ٹیکنالوجی آرگنائزیشنز کے سسٹمز شامل ہیں۔

مزید یہ بھی بتایا کہ کمپنی کو نہیں معلوم کہ یوکرین اور کتنی آرگنائزیشنز اس میلویئر سے متاثر ہوئی ہیں۔ لیکن مزید انفیکشنز کے متعلق معلوم ہونا متوقع ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More