ٹک ٹاک کا تخلیق کاروں کیلیے پیڈ سبسکرپشنز پر غور

سماء نیوز  |  Jan 24, 2022

فائل فوٹو

سوشل میڈیا ایپ ٹک ٹاک نے تصدیق کی ہے کہ وہ پیڈ سبسکرپشنز کے لیے ٹیسٹنگ سپورٹ کر رہا ہے، جس سے شارٹ فارم ویڈیو پلیٹ فارم پر تخلیق کاروں کو اپنے مواد کی قیمت وصول کرنے کا موقع ملے گا۔

ٹینکالوجی کی ویب سائٹ کے مطابق اسکی اطلاع سب سے پہلے ’دی انفارمیشن‘ کی طرف سے دی گئی تھی، کمپنی نے اس بارے میں تفصیلات شیئر نہیں کیں کہ یہ تخلیق کاروں کو کب میسر ہوگی، کتنے تخلیق کار فی الحال اس کی جانچ کر رہے ہیں یا فیس کا طریقہ کار کیا ہوگا۔

کمپنی کے ترجمان زچری کِزر نے دی ورج کو ایک ای میل میں بتایا کہ ’سبسکرپشنز ایک تصور تھا جس کی فی الحال جانچ کی جا رہی ہے اور ہم ہمیشہ اپنی کمیونٹی میں بہتری لانے اور ٹک ٹاک کو تقویت دینے کے نئے طریقوں کے بارے میں سوچتے رہتے ہیں‘۔

اگر پیڈ سبسکرپشنز کو متعارف کروایا جاتا ہے تو یہ ٹک ٹاک کی جانب سے اپنے تخلیق کاروں کے لیے بڑی مدد ہوگی جس کے ذریعے اپنے مواد کو مونیٹائز کروا سکیں گے۔

ٹِک ٹاک کا پیڈ سبسکرائبرز کا ٹیسٹ انسٹاگرام کے اس اعلان کی پیروی کرتا ہے کہ وہ بھی محدود تخلیق کاروں اور انفلیونسرز کے ساتھ پیڈ سبسکرپشنز کا ٹیسٹ شروع کر رہا ہے۔

تخلیق کاروں کے خصوصی مواد (جس میں اسٹوریز اور لائیو ویڈیوز شامل ہیں) تک رسائی کے لیے سبسکرائبرز ماہانہ فیس ادا کریں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More