’گانے چرانا بند کریں،‘ ابرار الحق نے برطانوی کمپنی کے خلاف قانونی کارروائی شروع کردی

اردو نیوز  |  Jun 27, 2022

پاکستانی گلوکار ابرار الحق نے برطانوی بھنگڑا ریکارڈنگ کمپنی مووی باکس کے خلاف ’نچ پنجابن‘ گانے کے حقوق انڈین کمپنی ٹی سیریز کو بیچنے کے حوالے سے قانونی کاروائی کا آغاز کردیا ہے۔

اتوار کو ایک ٹویٹ میں ابرار الحق نے کہا ہے ’برطانیہ میں میرے وکلاء نے مووی باکس کو میرے گانے نچ پنجابن کے غلط استعمال کے حوالے سے قانونی نوٹس بھیج دیا ہے۔‘

انہوں نے مزید لکھا کہ وہ اپنے پرستاروں کو کیس کے بارے میں آگاہ کرتے رہیں گے۔

پاکستانی گلوکار نے ہیش ٹیگ کا استعمال کرتے ہوئے لکھا ’ہمارے گانے چرانا بند کرو۔‘

My lawyers in United Kingdom have issued a Legal Notice to Movie Box with respect to the misappropriation of my song “Nach Punjaban”. More Updates will follow in the coming few [email protected] #NachPunjaban #StopStealingOurSongs

— Abrar Ul Haq (@AbrarUlHaqPK) June 25, 2022

خیال رہے انڈین فلمساز کرن جوہر کی پروڈکشن میں بننے والی فلم ’جگ جگ جیو‘ میں پاکستانی گانا ’نچ پنجابن‘ کا ریمکس شامل کیا گیا ہے۔

فلم میں مرکزی کردار ادا کرنے والے انڈین اداکار ورن دھون نے ابرار الحق کے بارے میں مثبت بیان دیا ہے۔

ایک انٹرویو میں ورن دھون کا کہنا تھا کہ ’میں ابرار جی کو یہ کہنا چاہوں گا کہ انھوں نے اوریجنل گانا بہت اچھا گایا تھا۔ یہ بہت اچھا اور شاندار ہے۔ ہم نے اسے بہت پسند کیا، ہماری میوزک کمپنی نے حقوق خریدے اور اب یہ گانا بہت چل رہا ہے۔‘

    View this post on Instagram           A post shared by Galaxy Lollywood (@galaxylollywood)

سنہ 2002 میں ریلیز ہونے والے گانے ’نچ پنجابن‘کے یوٹیوب پر جملہ حقوق برطانوی بھنگڑا ریکارڈنگ کمپنی مووی باکس کے پاس تھے۔

ابرار الحق اس سے پہلے واضح کہہ چکے ہیں کہ انھوں نے انڈین کمپنی ٹی سیریز کو یہ گانا نہیں بیچا ہے۔

ابرارالحق کا کہنا ہے کہ مووی باکس نے ان کی اجازت کے بغیر یہ گانا ٹی سیریز کو بیچا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More