انٹرمیڈیٹ حصہ دوم کے سالانہ امتحانات کے لیے امتحانی فارم جمع کروانے کی تاریخوں کا اعلان

اعلیٰ ثانوی تعلیمی بورڈ کراچی نے انٹرمیڈیٹ حصہ دوم کے سالانہ امتحانات برائے 2023ء میں شرکت کے خواہشمند سائنس پری انجینئرنگ، سائنس جنرل اور آرٹس گروپس کے پرائیویٹ کالجوں اور ہائیر سیکنڈری اسکولوں کے ریگولر طلباء کیلئے امتحانی فارم جمع کروانے کی تاریخوں کا اعلان کردیا ہے۔ ان امتحانات میں شرکت کے خواہشمند امیدوار اپنے امتحانی فارم بروز پیر 27مارچ سے بروز منگل 11اپریل2023ء تک اپنے تعلیمی اداروں میں جمع کرواسکتے ہیں جبکہ تعلیمی ادارے امتحانی فارمز بمع پے آرڈرز بروز جمعرات 13اپریل 2023ء کو بورڈ آفس کے اکاؤنٹس سیکشن میں جمع کروانے کے پابند ہوں گے۔ جمع کروائے جانے والے امتحانی فارمز کی مکمل فہرست کی دو کاپیاں بھی تعلیمی اداروں کے سربراہ کے دستخط کے ساتھ جمع کروانا ہوں گی۔ ایسے امیدوار جو مقررہ تاریخوں میں امتحانی فارم جمع نہیں کرواسکیں وہ 500روپے لیٹ فیس کے ساتھ بروز بدھ 12اپریل سے بروز پیر 17اپریل تک جبکہ ایک ہزار روپے لیٹ فیس کے ساتھ بروز منگل 18اپریل سے بروز بدھ 26اپریل 2023ء تک اپنے امتحانی فارم جمع کرو اسکتے ہیں۔