پاکستان اسٹاک ایکس چینج میں کاروباری ہفتے کے پہلے روز پیر کو زبردست تیزی کا رجحان نظر آرہا ہے اور ٹیکسٹائل، بینکنگ، توانائی سمیت دیگر شعبوں میں حصص خریداری کے سبب کے ایس ای 100 انڈیکس ایک لاکھ 33 ہزار پوائنٹس کی سطح کو عبور کرگیا۔
اسٹاک ماہرین کے مطابق پاکستان اور امریکا کے مابین ٹیرف اور دیگر تجارتی معاملات پر جاری بات چیت میں مثبت پیش رفت کی اطلاعات ہیں جس کے باعث سرمایہ کار بھی نئی سرمایہ کاری میں گرمجوشی کا مظاہرہ کررہے ہیں۔
واضح رہے کہ گزشتہ ہفتے بھی اسٹاک مارکیٹ میں تیزی کا رجحان تھا جس کے نتیجے میں کے ایس ای 100 انڈیکس میں 6 فیصد سے زائد اضافہ ہوگیا تھا۔