لندن : بانی ایم کیو ایم الطاف حسین تیزی سے روبہ صحت ہیں، رہنما ایم کیو ایم لندن مصطفی عزیز آبادی

رہنما ایم کیو ایم لندن مصطفی عزیز آبادی کے مطابق ‏الطاف حسین مقامی اسپتال میں آج تیسرے دن بھی امراض قلب کے عالمی شہرت کے حامل کارڈیو لوجسٹ ڈاکٹر ڈیوڈ لپکن کے زیر نگرانی ہیں۔ ان کے طبی معائنے اور ٹیسٹ کے حوالے سے آگاہ کیا گیا ۔ میڈیکل کنڈیشن کے پیش نظر ڈاکٹروں کی ہدایت پر آج تیسرے روز بھی جناب الطاف حسین کو خون چڑھایا گیا۔

‏ڈاکٹروں نے الطاف حسین کو فزیو تھراپی بھی تجویز کی۔ جس کے بعد فزیو تھراپسٹ کی مدد سے آج انھوں نے وارڈ میں تھوڑی چہل قدمی بھی کی۔ ‏واضح رہے کہ جناب الطاف حسین اپنی علالت کے باعث گزشتہ پانچ روز سے لندن کے مقامی اسپتال میں زیرعلاج ہیں۔ ‏مصطفی عزیز آبادی نے تحریک کے تمام کارکنوں ، ہمدردوں سے اپیل کی ہے کہ وہ بانی و قائد جناب الطاف حسین کی مکمل صحتیابی اور درازی عمر کےلئے دعاؤں اور صدقات کا سلسلہ جاری رکھیں