News Search
Home News Dictionary TV Channels Names Weather Live Cricket Videos Photos Results Naats
Home Taza Tareen
افغان فورسز کی چمن میں بلااشتعال فائرنگ، 1 شہری شہید، 18 افراد زخمی     چمن بارڈر پر افغان فورسز کی فائرنگ، 4 ایف سی جوان زخمی، آئی ایس پی آر     راجن پور: تھانہ محمد پور کی حدود میں فائرنگ،4افراد جاں بحق 1زخمی     وزیراعظم کا ویژن پاکستان کو لوڈ شیڈنگ فری بنانا ہے، عابد شیرعلی     آخری دن میزبان بولنگ کا ہمارے پاس جواب نہ تھا، مصباح الحق     بارباڈوس:ویسٹ انڈیزکےہاتھوں پاکستان کوعبرتناک شکست     سرحد پار سے مردم شماری ٹیم پر فائرنگ، چمن سرحد بند     ’مکی‘ اور ’منی‘ حقیقی زندگی میں میاں بیوی تھے     پاناما کیس، سپریم کورٹ کا آج ہی جے آئی ٹی تشکیل دینے کا فیصلہ     پنجاب: مختلف اضلاع میں سرچ آپریشن، 41 افراد گرفتار     
Urdu News
Maulana Tariq Jamil
a
Naat Khawan
Amjad Sabri Farhan Ali Qadri
Fasih Uddin Soharwardi Ghulam Mustafa Qadri
Imran sheikh Attari Junaid Jamshed
Owais Raza Qadri Shahbaz Qamar Faridi
Syed Mohammad Furqan Qadri Ummeh Habiba
Waheed Zafar Qasmi Zulfiqar Ali
UrduWire Names Directory
Muslim Names Arabic Names
Muslim Boy Names Muslim Girl Names
Pictures Gallery
Cleaning The Kaaba Area - One Of The Best Jobs In The World Cleaning The Kaaba Area - One Of The Best Jobs In The World
Dream World Water Park Resort Hotel Ticket & Membership Price 2017 Karachi Dream World Water Park Resort Hotel Ticket & Membership Price 2017 Karachi
Cosy Water Park Karachi - Cozy Ticket Price 2015 & Location Pictures Cosy Water Park Karachi - Cozy Ticket Price 2015 & Location Pictures
View all Pictures

 

Home >> Urdu News >> Voice Of America Urdu
پاکستان کی خبریں Share your views
اسلامی فوجی اتحاد کی کمان سے متعلق آگاہ نہیں: وزیردفاع [وائس آف امریکہ اردو] 11 Jan, 2017

خواجہ آصف کا کہنا تھا کہ سابق فوجی افسران کو کوئی عہدہ سنبھالنے سے پہلے فوج اور وزارت دفاع سے این او سی (اعتراض نہ ہونے کا سرٹیفیکیٹ) لینا پڑتا ہے اور راحیل شریف کی طرف سے ایسی کوئی درخواست موصول نہیں ہوئی۔

پاکستان کے وزیردفاع خواجہ آصف نے فوج کے سابق سربراہ جنرل (ریٹائرڈ) راحیل شریف کی طرف سے بین الاقوامی اسلامی فوجی اتحاد کی کمان سنبھالنے سے متعلق خبروں سے بظاہر لاتعلقی کا اظہار کرتے ہوئے کہا کہ حکومت کے علم میں ایسی کوئی بات نہیں ہے۔

گزشتہ ہفتے ہی یہ خبریں سامنے آئی تھیں کہ عمرے کی ادائیگی کے لیے سعودی عرب جانے والے راحیل شریف نے اس فوجی اتحاد کی کمان سنبھال لی ہے۔

جس کے بعد مقامی ذرائع ابلاغ میں وزیر دفاع نے کہا تھا کہ "یہ فیصلہ موجودہ حکومت کو اعتماد میں لے کر کیا گیا" اور ان کے بقول اس بارے میں وزیراعظم نواز شریف سے بھی مشاورت کی گئی تھی۔

اس فوجی اتحاد میں شیعہ حکومتوں والے مسلم ممالک ایران، عراق اور شام شامل نہیں ہیں اور اسی بنا پر اس اتحاد کی تشکیل پر یہ کہہ کر تحفظات کا اظہار کیا جاتا رہا ہے کہ اس میں ایک خاص مسلک والے ممالک کو شامل نہ کرنا مناسب نہیں ہو گا۔

پاکستان کے کٹر سنی ریاست سعودی عرب اور اس کے شیعہ حریف ملک ایران دونوں کے ساتھ ہی قریبی تعلقات ہیں اور پاکستان میں مختلف حلقوں کی طرف سے ملک کے ایک سابق اعلیٰ ترین فوجی عہدیدار کی طرف سے اس اتحاد کی کمان ممکنہ طور پر سنبھالنے کو غیر دانشمندانہ فیصلہ قرار دیا جا رہا تھا۔

ایوان بالا "سینیٹ" میں بدھ کو وفاقی وزیردفاع خواجہ آصف نے چیئرمین رضا ربانی کے استفسار پر بتایا کہ ایسی خبروں میں فی الحال کوئی بات واضح نہیں ہے۔ ان کا کہنا تھا کہ سابق فوجی افسران کو کوئی عہدہ سنبھالنے سے پہلے فوج اور وزارت دفاع سے این او سی (اعتراض نہ ہونے کا سرٹیفیکیٹ) لینا پڑتا ہے اور راحیل شریف کی طرف سے ایسی کوئی درخواست موصول نہیں ہوئی۔

سینیٹ میں یہ سوال بھی اٹھایا گیا تھا کہ سابق جنرل راحیل شریف کی طرف سے اسلامی فوجی اتحاد کی کمان سنبھالنے کے پاکستان کی خارجہ پالیسی پر کیا اثرات مرتب ہوں گے۔

اس پر مشیر خارجہ سرتاج عزیز نے ایوان کو بتایا کہ اس ضمن میں تاحال سعودی عرب کی طرف سے باقاعدہ طور پر کوئی پیشکش نہیں کی گئی اور نہ ہی این او سی کے لیے کوئی درخواست موصول ہوئی ہے لہذا پاکستان کی خارجہ پالیسی پر اثرات سے متعلق وہ کوئی بات نہیں کریں گے۔

ایک سال قبل سعودی عرب نے اسلامی ملکوں کے فوجیوں پر مشتمل ایک مجوزہ اتحاد کا اعلان کیا تھا جس کا مقصد داعش سمیت دیگر دہشت گرد گروپوں کے خلاف کارروائی کرنا تھا۔

جنرل راحیل شریف گزشتہ سال نومبر کے اوخر میں اپنے عہدے کی تین سالہ معیاد مکمل ہونے پر سکبدوش ہو گئے تھے۔ پاکستان کے آرمی چیف کے طور پر انھوں نے نہ صرف شدت پسندوں کے مضبوط گڑھ سمجھے جانے والے قبائلی علاقے شمالی وزیرستان میں بھرپور فوجی کارروائی کا آغاز کیا بلکہ ملک بھر میں سکیورٹی فورسز کی انٹیلی جنس کی بنیاد پر کارروائیوں کو مہمیز کیا۔

دہشت گردی کے خلاف پاکستانی فوج کی کامیابیوں میں راحیل شریف کی قائدانہ صلاحیتوں کا اعتراف پاکستان کے علاوہ بیرون دنیا بھی کرچکی ہے۔


View News As Image
Post Your Comments
Select Language:    
Type your Comments / Review in the space below.

Name: Email:(Will not be shown) City:
Enter The Code:

 
Home | About Us | Contact Us |  Profiles |  Privacy Policy & Disclaimer | What is Meta News?
Top Searches: Jang News Cricinfo Express Tribune,  , SSC Part 1 Results 2016   Dunya News Bol News Live Samaa News Live Metro 1 News Waqt News Hum TV PTV Sports Live KTN News
Disclaimer: Urduwire.com is only the source of Urdu Meta News (type of Google News) and display news on "as it is" based from leading Urdu news web based sources. If you are a general user or webmaster, and want to know how it works? Please read more!

UrduWire.com - First ever Urdu Meta News portal