آئی فون کا کونسا فیچر اینڈرائیڈ فونز میں دستیاب ہوگا؟

بول نیوز  |  Aug 06, 2020

اینڈرائیڈ موبائل آپریٹنگ سسٹم بنانے والی کمپنی گوگل کی جانب سے ایک نئے ٹول کو متعارف کرانے کا اعلان کیا گیا ہے۔

تفصیلات کے مطابق اینڈرائیڈ فونز میں آخرکار وہ فیچر اب صارفین کو دستیاب ہوگا جو آئی فون استعمال کرنے والے افراد برسوں سے استعمال کررہے ہیں۔

گوگل کی جانب سے متعارف کروائے جانے والے ٹول کا نام نیئر بائی ہے۔

اس ٹول کی مدد سے لوگ فوری طور پر اپنے ارگرد موجود افراد کو فائلز بھیج سکیں گے۔

یاد رہے کہ یہ نیا ٹول کسی فائل کی شیئرنگ فوری کرنے میں مدد فراہم کرے گا کیونکہ اسے فائل وصول کرنے والے فرد کی کانٹیکٹ انفارمیشن کی ضرورت نہیں ہوگی۔

دوسری جانب یہ فیچر آن لائن یا آف لائن بھی کام کرسکے گا کیونکہ اس کے لیے متعدد طریقہ کار بشمول بلیوٹوتھ یا وائی فائی کنکشنز استعمال ہوںگے۔

اس حوالے سےگوگل کا کہنا ہے کہ اس فیچر کی تیاری پر برسوں سے کام ہورہا تھا اور یہ ہزاروں اینڈرائیڈ فونز کے مختلف ماڈلز کو دستیاب ہوگا۔

خیال رہے کیونکہ یہ فیچر ایسے فونز میں کام کرے گا جن میں اینڈرائیڈ مارش میلو (2015 کا اینڈرائیڈ ورژن) یا اس سے آگے کے اینڈرائیڈ سسٹم ہوں گے۔

واضح رہے کہ یہ فیچر ایپل کے ایئر ڈراپ فیچر سے ملتا جلتا ہے جو میک کمپیوٹرز میں 2011 میں متعارف کرایا گیا اور 2013 میں آئی فونز کا حصہ بن گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More