کچھ لوگ زیادہ کھانا کھانے کے بعد بھی موٹے کیوں نہیں ہوتے؟ ڈاکٹرز نے وجہ بتا دی

بول نیوز  |  Aug 08, 2020

یہ حقیقت ہے بہت سے لوگ ایسے ہوتے ہیں جو حد سے زیادہ کھا پی کر بھی سلم اور سمارٹ رہتے ہیں۔

دلچسپ بات یہ ہے کہ آج کل تو ایسے لوگوں کو خوش نصیب سمجھا جاتا ہے کیونکہ وزن نامی بلا جب پیچھے لگ جائے تو آسانی سے جان نہیں چھوٹتی۔

یاد رہے یہاں ایسے لوگوں کی بات ہو رہی ہے جن پر کسی قسم کی چربی نہیں چڑھتی تو آخر ایسا کیوں ہوتا ہے؟

اس حوالے سے امریکن یونیورسٹی کی پروفیسر کیتھلین میلنسن کے مطابق یہ انسان کے جینیاتی رویوں پر اثر انداز ہوتا ہے اس کا تعلق ہر گز غذا سے نہیں ہوتا ہے۔

انہوں  نے بتایا کہ کچھ افراد زیادہ متحرک یا چلنے کے عادی ہوتے ہیں، جبکہ ایسے شواہد بھی موجود ہیں کہ کچھ افراد جینیاتی طور پر ایسے ہوتے ہیں کہ وہ اپنے جسموں کو ہر وقت متحرک رکھنا پسند کرتے ہیں۔

دوسری جانب ان کے مطابق اس کی ایک وجہ یہ بھی ہے کہ کسی کا میٹابولزم دوسروں سے زیادہ تیز ہوتا ہے۔

یاد رہے کہ میٹابولزم دوسروں سے زیادہ تیز ہونے کی ہی وجہ سے غذا اندر جاتے ہی بوسٹ ہونے لگتی اور جسم پر چربی چڑھنے نہیں دیتی۔

انہوں نے مزید بتایا کہ اعصابی نظام کے سگنلز اور خون میں گردش کرنے والے ہارمونز ہمیں بھوک یا پیٹ بھرنے کے بارے میں بتاتے ہیں۔

پروفیسر کیتھلین میلنسن نے بتایا کہ یہ نظام کچھ افراد میں دوسروں کے مقابلے میں زیادہ حساس ہوتا ہے۔

شتہ سال سوئٹزر لینڈ میں ہونے والی ایک تحقیق میں دریافت کیا گیا تھا کہ قدرتی طور پر دبلے پتلے رہنے والے افراد کا وزن اس لیے معمول پر رہتا ہے کیونکہ ان کی چربی کے خلیات جینیاتی طور پر زیادہ موثر طریقے سے کام کرتے ہیں۔

واضح رہے کہ ماہرین کیتھلین میلنسن نے اہم راز بتایا کہ ایک اہم ہارمون لیپٹین ہے جو زیادہ حساس نظام والے فرد میں کم ہوتا ہے اور جن میں زیادہ متاثر ہوتا ہے وہ جلدی موٹے نہیں ہو پاتے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More