گمشدہ کتے ڈھونڈے والے کو کروڑوں کا انعام دینے کی پیشکش

ہم نیوز  |  Feb 25, 2021

ہالی وڈ: امریکہ کے ممتاز گلوکارہ لیڈی گاگا نے اعلان کیا ہے کہ ان کے گمشدہ کتے ڈھونڈ کر لانے والے کو پانچ کروڑ امریکی ڈالرز (سات کروڑ 91 لاکھ 34 ہزار روپے پاکستانی) بطور انعام دیے جاائیں گے اور اس سے یہ بھی نہیں پوچھا جائے گا کہ اس نے کتے کہاں سے ڈھونڈے ہیں؟

امریکی ذرائع ابلاغ کے مطابق گزشتہ روز مغربی ہالی وڈ میں واقع گلوکارہ کی رہائش گاہ کے قریب ان کا ملازم تین کتوں کو ٹہلانے نکلا تھا کہ اس دوران دو حملہ آوروں نے کتے چیھننے کی کوشش کی جس پر مزاحمت ہوئی تو انہوں نے فائرنگ کردی۔

حملہ آوروں کی فائرنگ سے ملازم کو چار گولیاں لگیں اور وہ زخمی ہو کر گر گیا جب کہ حملہ آور دو اعلیٰ نسل  کے کتے لے کر فرار ہو گئے جب کہ ان کی ایک کتیا جس کا نام مس ایشیا ہے جائے وقوع سے غائب ہوگئی جسے بعد میں پولیس نے برآمد کرلیا ہے۔

ذرائع ابلاغ کے مطابق لیڈی گاگا کا زخمی ہونے والا ملازم اب اسپتال میں زیر علاج ہے جب کہ اٹلی میں مقیم لیڈی گاگا اپنے کتوں کی گمشدگی کے حوالے سے از حد پریشان ہیں۔

لیڈی گاگا نے اعلان کیا ہے کہ ان کے دونوں کتے بحفاظت واپس لانے والے کو بطور انعام پانچ لاکھ امریکی ڈالرز دیے جائیں گے اور کسی بھی قسم کا کوئی سوال بھی نہیں کیا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More