مڈکورٹ پی ٹی ایف چیمپیئن شپ انڈر۔14 لیگ اسلام آباد میں شروع ہو گئی

بول نیوز  |  Sep 20, 2021

مڈکورٹ  پی ٹی ایف چیمپیئن شپ انڈر۔14 لیگ ون پی ٹی ایف ٹینس کمپلیکس اسلام آباد میں شروع ہو گئی ہے۔

تفصیلات کے مطابق پاکستان ٹینس فیڈریشن (پی ٹی ایف) کے سیکرٹری کرنل (ر) گل رحمٰن اور مڈکورٹ کی بانی زائرہ احمد ذکا نے ایونٹ کا افتتاح کیا۔

انہوں نے کھلاڑیوں کو خوش آمدید کہا بالخصوص نیپالی کھلاڑیوں کا خیرمقدم کیا اور چیمپیئن شپ میں بہتر کارکردگی کیلئے نیک خواہشات کا اظہار کیا۔

ایونٹ کے پہلے روز 8 میچوں کا فیصلہ ہوا، بوائز سنگل کے پہلے راؤنڈ کے مقابلوں میں عمر جواد ملک نے ہم وطن کھلاڑی عیسی فہد کو 6-0، 6-0، زوہیب افضل ملک نے عبدالرحمن کو 6-2 اور 6-4، احتشام ہمایوں نے سید محمد علی حسین کو 6-0 اور 6-0، اسد زمان نے ابراہیم اشرف کو 6-2 اور 6-3، علی زین نے رازق سلطان کو 6-1 اور 6-3، عامر مزاری نے حاذق عاصم کو 1-6، 6-2 اور 6-2 جبکہ پاکستان کے ابوبکر نے برطانیہ کے حماد کاشف کو 6-3، 5-7 اور 6-2 سے ہرا کر اگلے راؤنڈ کیلئے کوالیفائی کر لیا ہے۔

 گرلز سنگل کے پہلے راؤنڈ کے میچ میں فاطمہ علی راجہ نے لالہ رخ ساجد کو 4-6، 6-3 اور 6-3 سے ہرا کر اگلے راؤنڈ کیلئے کوالیفائی کر لیا ہے۔

واضح رہے کہ دوسرے راؤنڈ کے مقابلے منگل کو کھیلے جائیں گے۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More