سعودی عرب سےقرض پیکج کی منظوری،ڈالرکی قیمت میں کمی

سماء نیوز  |  Oct 28, 2021

معیشت سے متعلق آج کی اہم خبریں۔

سعودی عرب سے قرض پیکج منظوری کے باعث پاکستانی روپے پر دباو میں کمی آگئی اور ڈالر کے مقابلے میں پاکستانی کرنسی کی  قدر میں غیر معمولی گراوٹ کا سلسلہ بھی رک گیا۔ بدھ کو انٹر بینک میں ڈالر کی قدر میں 2.49روپے جب کہ اوپن کرنسی مارکیٹ میں 1.70روپے کی کمی ریکارڈ کی گئی۔

سعودی عرب نے پاکستان کو کرونا وبا کی وجہ سے پیدا ہونے والے معاشی بحران سے نمٹنے اور پاکستان کے زرمبادلہ کے ذخائر کو سہارا دینے کے لیے چار ارب 20کروڑ ڈالر دینے کا اعلان کیا ہے۔ سعودی ترقیاتی فنڈ نے پاکستان کو سالانہ ایک ارب 20 کروڑ ڈالر مالیت کا تیل دینے اور اسٹیٹ بینک آف  پاکستان کے پاس تین ارب ڈالر جمع کروانے کا اعلان کیا ہے۔

مشیر خزانہ شوکت ترین نے کہا کہ تیل کی عالمی قیمتوں میں اضافے کی وجہ سے ہم پر دباؤ ہے، ہم نے قیمتیں نسبتاً کم رکھی ہیں جس سے پاکستان میں تیل کی قیمتیں آج بھی دنیا بھر سے کم ہیں۔

نیپرا نے ایک ماہ کیلئے فیول پرائس ایڈجسٹمنٹ کی مد میں بجلی مہنگی کرنے کی منظوری دے دی ہے۔ نوٹیفیکشن کے مطابق  نیپرا نے ستمبر کے لیے بجلی 2.5 روپے فی یونٹ مہنگی کردی جس سے صارفین پر 38 ارب روپے سے زائد کا اضافی بوجھ پڑے گا۔ بجلی کی قیمت  میں اضافے کا اطلاق کے الیکٹرک صارفین پر نہیں ہوگا۔

پی ایس ایکس نے پہلا نوٹیفیکشن 11 بجکر 58 منٹ پر جاری کیا تھا جس کے مطابق کاروبار 12 بجے سے 2 بجے تک بند کردیا گیا تھا بعد ازاں 1 بجکر 58 منٹ ایک اور نوٹیفیکشن جاری کیا جس کے مطابق ٹریڈنگ شروع ہونے میں مزید 30 منٹ کی توسیع کردی گئی ہے۔

ڈالر کی قدر میں بہتری اور عالمی مارکیٹ میں سونے کے نرخ میں کمی کے باعث مقامی مارکیٹ میں بھی سونا سستا ہوگیا۔  مقامی صرافہ مارکیٹوں میں بدھ کو فی تولہ سونے کی قیمت میں 7800روپے کی بڑی کمی ریکارڈ کی گئی جس کے بعد سونے کی فی تولہ قیمت ایک لاکھ 24ہزار 200روپے ہوگئی جبکہ دس گرام سونے کی قیمت 6687روپے کی کمی سے ایک لاکھ 6ہزار481روپے ہوگئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More