بیٹا جائیداد اور پیسوں کے لیے اپنے سگے باپ کا جانی دشمن بن گیا

بول نیوز  |  Dec 01, 2021

خیبرپختونخوا میں بیٹا جائیداد اور پیسوں کی وجہ سے اپنے سگے باپ کا جانی دشمن بن گیا ہے۔

نیشنل پریس کلب اسلام آباد میں پریس کانفرنس کرتے ہوئے خیبرپختونخوا کے ضلع سوات کے رہائشی سراج علی کا کہنا تھا کہ ان کے بیٹے نے ان کے گھر پر قبضہ کر لیا ہے اور آئے روز ان پر اور اپنی ماں پر تشدد کرتا ہے۔

ان کا کہنا تھا کہ بیٹا ان سے کاروبار کے لیے ان کی تمام جمع پونجی جو کہ بیس لاکھ روپے تھی، لے جا چکا ہے اور مزید رقم کا تقاضا کر رہا ہے۔ رقم نہ دینے کی صورت میں تشدد اور قتل کی دھمکیاں دے رہا ہے۔

باپ سراج علی نے میڈیا سے بات کرتے ہوئے اعلان کیا کہ ہم اپنی تمام منقولہ و غیر منقولہ جائیداد سے اپنے بیٹے کو عاق کرتے ہیں اور آئیندہ اس کے ساتھ کسی قسم کا تعلق رکھنا نہیں چاہتے۔

ان کا کہنا تھا کہ وزیراعظم پورٹل پر شکایت کے باوجود پولیس نے اس کے خلاف کسی قسم کی کوئی کارروائی نہیں کی ہے۔

انہوں نے وزیراعظم عمران خان، وزیر داخلہ، وزیر اعلیٰ کے پی کے اور کے پی کے پولیس حکام سے اپیل کی ہے کہ وہ انہیں اور ان کی فیملی کو ان کے بیٹے کے ظلم و ستم سے نجات دلوائیں اور انہیں تحفظ فراہم کرتے ہوئے اس کے قبضہ سے ان کا گھر آزاد کروائیں تاکہ وہ اپنے گھر میں آرام سے رہ سکیں۔

 

 

 

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More