ملک کی آئل ریفائنریوں نے تیل کی پیداوار بند کرنے کی دھمکی دے دی

بول نیوز  |  Dec 07, 2021

ملک کی آئل ریفائنریوں نے تیل کی پیداوار بند کرنے کی دھمکی دے دی ۔

بول نیوز کے مطابق حکومت بجلی کی پیداوار کے لیے مقامی کے بجائے درآمدی فرنس آئل کے استعمال پر زور دے رہی ہے جب کہ آئی پی پیز کو بھی مقامی ریفائنریز سے ایندھن خریداری کا نہیں کہا جارہا۔

مقامی سطح پر فرنس آئل کی خریداری نہ ہونے کی وجہ سے آئل ریفائنریز کے پاس تیل ذخیرہ کرنے کی صلاحیت ختم ہونے کے قریب پہنچ گئی ہے۔ جس کے بعد آئل ریفائنریوں نے تیل کی پیداوار بند کرنے کی دھمکی دے دی ہے۔

تیل کی فروخت کے حوالے سے اٹک آئل ریفائنری نے حکومت کو خط لکھا ہے، جس میں کہا گیا ہے کہ ہمارے پاس تیل ذخیرہ کرنے کی صلاحیت 8 سے 10 روز کی رہ گئی ہے۔

متعلقہ خبر: کراچی والوں کے لئے بجلی مزید 3 روپے 75 پیسے فی یونٹ مہنگی

حکومت بڑی مقدار میں فرنس آئل درآمد کررہی ہے لیکن مقامی تیل ریفائنریوں سے فرنس آئل نہیں خریدا جارہا، اس کے علاوہ آئی پی پیز کو بھی مقامی ریفائنریز سے تیل خریداری کا بھی نہیں کہا جارہا۔

خط میں کہا گیا ہے کہ پی ایس او اور کیپکو کو تیل کی خریداری کے احکامات جاری کئے جائیں۔ اگر تیل کی خریداری شروع نہ کی گئی تو ریفائنری بند کرنے پر مجبور ہوجائیں گے۔

متعلقہ خبر: پٹرول پر ٹیکس کم کرنے سے عوام کو فائدہ ہوگا

واضح رہے کہ ملک میں بجلی کی پیداوار کے لیے درآمدی گیس اور فرنس آئل کا سب سے زیادہ استعمال کیا جاتا ہے، درآمدی فرنس آٗئل سے بجلی کی پیداواری لاگت بھی بڑھ جاتی ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More