گھر پر کورونا کے مفت ’ ایٹ ہوم ٹیسٹ‘ کی سہولت متعارف

بول نیوز  |  Jan 16, 2022

اقوام متحدہ کی جانب سے کووڈ-19 کو عالمگیر وبا قرار دیے جانے کے تقریبا دو سال بعد امریکی حکومت نے اپنے شہریوں کے لیے گھر پر فری ٹیسٹ کی سہولت متعارف کرادی۔

جو بائیڈن انتظامیہ نے گھروں پر کورونا ٹیسٹ کرنے کے خواہش مند افراد کے لیے ویب سائٹ قائم کردی ہے، جس کی مدد ہرگھرانہ چار ٹیسٹ کی درخواست کرسکتا ہے۔

Covidtests.gov کے نام سے بننے والی اس ویب سائٹ کا باعاقدہ آغاز 19 جنوری سے کیا جائے گا۔

ویب سائٹ پر انگریزی اور اسپینش زبان میں درج ہدایات کے مطابق ہر گھرانہ کورونا کے چار’ ایٹ ہوم ٹیسٹ‘ آڈر کرسکتا ہے جو فری ڈیلیوری کے ساتھ دیے گئے پتے پر بھیج دیے جائیں گے۔

اس حوالے سے وائٹ ہاؤس کا کہنا ہے کہ بائیڈن انتظامیہ نے امریکی عوام کو مفت میں فرہم کرنے کے لیے ایک ارب ایٹ ہوم ریپڈ ٹیسٹس کی خریداری کی ہے۔ تاکہ ہر کسی کو ضرورت پیش آنے پر فوری ٹیسٹ کی سہولت میسر ہوسکے۔

19 جنوری سے 500 ملین ٹیسٹس فراہمی کے لیے دستیاب ہوں گے اور ہر رہائشی پتے سے چار ٹیسٹس مفت میں آڈر کیے جاسکیں گے۔

ایسے افراد جن کی رسائی ویب سائٹ تک نہیں ہے ان کے لیے ایک خصوصی ہیلپ لائن قائم کی جارہی ہے۔

بائیڈن انتظامیہ کا کہنا ہے کہ ہم قومی اور مقامی اداروں کے ساتھ خطرے کے شکار لوگوں کی مدد کرنے پر کام کر رہے ہیں۔ یہ ایٹ ہوم ٹیسٹ آڈر کیے جانے کے 7 سے 12 دنوں کے اندر فراہم کیے جائیں گے لہذا ایسے افراد جن میں کورونا کی علامات موجود ہوں، یا وہ کسی مثبت کیس کے ساتھ رہ رہے ہوں وہ اس سے مستفید نہیں ہوسکیں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More