ثانیہ مرزا نے ٹینس کو خیرباد کہہ دیا

بول نیوز  |  Jan 19, 2022

بھارتی ٹینس اسٹار ثانیہ مرزا نے ٹینس سے ریٹائرمنٹ لینے کا اعلان کردیا ہے، انہوں نے یہ فیصلہ آسٹریلین اوپن خواتین کے ڈبل ایونٹس کے پہلے راؤنڈ میں شکست کے بعد کیا ہے۔

غیر ملکی میڈیا رپورٹس کے مطابق بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا نے ٹینس کو خیرباد کہنے کا ارادہ کرلیا ہے جبکہ 2022 کا ٹینس سیزن ان کے کیریئر کا آخری سیزن ہوگا۔

یہ بھی پڑھیں: ثانیہ مرزا نے مداحوں کو خبردار کردیا

میڈیا رپورٹس کے مطابق انہوں نے یہ فیصلہ ایسے وقت میں کیا ہے جب انہیں آسٹریلین اوپن خواتین کے ڈبل ایونٹس کے پہلے راؤنڈ میں شکست کا سامنا کرنا پڑا تھا۔

اس میچ کے بعد میڈیا سے گفتکو کرتے ہوئے ان کا کہنا تھا یہ فیصلہ آسان نہیں تھا لیکن اس کی کچھ وجوہات ہیں، میرے لیے سب سے اہم میرا بیٹا ہے اور میرا بہت زیادہ سفر کرنا اس کے لیے اچھا نہیں۔

یہ بھی پڑھیں: ثانیہ مرزا کی کینگروز کے ساتھ تصویر سوشل میڈیا پر وائرل

انہوں نے کہا کہ میری فٹنس بھی کافی کم ہورہی ہے اور مجھے لگتا ہے کہ اس کی ریکوری میں لمبا عرصہ لگے گا۔

واضح رہے کہ سابق کپتان کی اہلیہ 6 مرتبہ گرینڈ سلم ٹائٹل اپنے نام کرچکی ہیں جبکہ وہ ڈبلیو ٹی اے کی سنگل رینکنگ میں ٹاپ 30 میں شامل پہلی انڈین کھلاڑی ہیں۔

یہ بھی پڑھیں: شعیب ملک کو ایسا لگتا ہے کہ میں ان کے تاثرات نہیں دیکھ سکتی، ثانیہ مرزا

علاوہ ازیں ثانیہ مرزا ڈبلیو ٹی اے کی ڈبلز رینکنگ میں ٹاپ پر بھی رہ چکی ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More