پی ایس ایل 7 کے دوران کراچی کی مختلف شاہراہوں کو سجانے کا فیصلہ

بول نیوز  |  Jan 19, 2022

کراچی: کمشنر کراچی نے پی ایس ایل 7 کے لیے تیاریوں کا جائزہ لیتے ہوئے شہر کی مختلف شاہراہوں کو سجانے کا فیصلہ کیا ہے۔

کمشنر کراچی محمد اقبال میمن کی زیرصدارت اجلاس میں پی ایس ایل 7 کے دوران شہر کی مخلتف شاہراہوں کو سجانے کا فیصلہ کیا ہے جبکہ اجلاس میں ایونٹ ک حوالے سے فول پروف سیکیورٹی بھی فراہم کرنے کا فیصلہ کیا گیا ہے۔

کمشنر کراچی کا کہنا تھا کہ شہر کی مختلف شاہراہوں کو سجایا جائے گا اور کھلاڑیوں کے کٹ آؤٹس آویزاں کئے جائیں گے جبکہ اجلاس میں پارکنگ انتظامات، شٹل سروس سمیت سہولتوں کی فراہمی کے انتظامات کا بھی جائزہ لیا گیا۔

یہ بھی پڑھیں: پی ایس ایل 7: تماشائیوں کے حوالے سے بڑا فیصلہ سامنے آگیا

اجلاس کے دوران کمشنر کراچی نے ہدایت کرتے ہوئے کہا کہ ٹریفک دباؤ کے پیش نظر ٹریفک روانی کےخصو صی انتظامات کئےجائیں اور صرف ضروری راستوں کو ہی بند کیا جائے۔

انہوں نے مزید ہدایات جاری کی کہ  اسٹیڈیم کےاطراف اسٹریٹ لائٹس نصب ہوں اور شاہراہیں روشن ہونی چاہئیے۔

دوسری جانب پی سی بی نے پی ایس ایل 7 کے  میچز کے لیے 25 فیصد تماشائیوں کو داخلے کی اجازت دی ہے جبکہ فیصلے کے مطابق کراچی میں شیڈول ہر میچ میں تقریباَ 8000 تماشائیوں کونیشنل اسٹیڈیم کراچی میں داخلے کی اجازت ہوگی۔

تماشائیوں کو اسٹیڈیم میں داخلے کے لیے بارہ سال سے زائد عمر کے تمام افراد کو مکمل کووڈ 19 ویکسین ہونا لازمی ہوگا جبکہ اسٹیڈیم کے داخلی دروازوں پر اپنا درست ویکسی نیشن سرٹیفکٹ دکھانا لازمی ہوگا۔

یہ بھی پڑھیں: رمیز راجا نے پی ایس ایل کی افتتاحی تقریب میں بھاری اخراجات سے روک دیا

اسٹیڈیم میں چہرے کو ماسک سے مسلسل ڈھانپے رکھنا لازم ہوگا جبکہ این سی او سی کی جانب سے جاری کردہ کووڈ 19 سے متعلق ہدایات کی خلاف ورزی کرنے والے شخص کو اسٹیڈیم سے باہر نکال دیا جائے گا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More