نوپور شرما نے پورے ملک کو آگ میں جھونک دیا، بھارتی سپریم کورٹ

ہم نیوز  |  Jul 01, 2022

 بھارتی سپریم کورٹ سابق بی جے پی رہنما نوپور شرما پر برس پڑی، کہا پورے ملک کو آگ میں جھونکنے پر انہیں پورے ملک سے معافی مانگنی چاہیے۔

بھارتی میڈیا کے مطابق سپریم کورٹ نے نوپور شرما کو اُدے پور قتل کا ذمہ دار ٹھہرا دیا، کہا کہ ہم نے اس بحث کو دیکھا کہ انہیں کس طرح اکسایا گیا تھا، جس طرح سے نوپور شرما نے یہ سب کہا یہ شرمناک ہے، نوپور شرما کو پورے ملک سے معافی مانگنی چاہیے، بھارتی سپریم کورٹ نے سوال کیا کہ نوپور شرما کو خطرات کا سامنا ہے یا وہ سیکیورٹی کے لیے خطرہ بن گئی ہیں؟

نوپور شرما نے ملک بھر میں جذبات کو بھڑکاوا دیا ہے، نوپور شرما ملک میں جو کچھ ہو رہا ہے اس کے لیے اکیلے ہی ذمہ دار ہے۔

بھارتی میڈیا نے رپورٹ میں لکھا ہے کہ سپریم کورٹ کا نوپور شرما کے وکیل کو متعلقہ ہائی کورٹ سے رجوع کرنے کا مشورہ دیا ہے۔

واضح رہے بی جے پی کی ترجمان نوپور شرما (جنھیں اب ترجمان کے عہدے سے ہٹا دیا گیا ہے اور پارٹی سے معطل بھی کردیا گیا ہے نے 26 مئی کو ایک ٹیلی ویژن چینل پر گستاخانہ بیان دیے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More