مختلف شہروں میں شدید گرمی و حبس، چھٹی کے دن بھی طویل لوڈ شیڈنگ، شہریوں کا برا حال

ہم نیوز  |  Jul 03, 2022

کراچی: ملک کے مختلف شہروں میں چھٹی کے دن بھی ہونے والی بدترین لوڈ شیڈنگ نے شہریوں کی زندگی اجیرن کردی ہے، سخت گرمی و حبس کے باعث ان کا براحال ہو گیا ہے۔

ہم نیوز کے مطابق شہر قائد کے علاقوں سرجانی ٹاؤن ، بلدیہ ، اورنگی ٹاؤن، نارتھ کراچی، نارتھ ناظم آباد اور فیڈرل بی ایریا میں 6 سے 8 گھنٹے کی لوڈشیڈنگ ہو رہی ہے جب کہ لیاری ، اولڈ صدر ، گارڈن ، لیاقت آباد، ملیر، لانڈھی اور کورنگی میں 12 گھنٹوں کی لوڈ شیڈنگ کا سلسلہ جاری ہے۔

مختلف علاقوں کے رہائشی شہریوں نے اس صورتحال پر ہم نیوز سے بات چیت کرتے ہوئے سخت برہمی کا اظہار کیا اور کہا کہ صنعتی علاقوں کی بندش کے باوجود رہائشی علاقوں میں لوڈ شیڈنگ سمجھ سے بالا تر ہے۔

واضح رہے کہ چند روز قبل ہی سندھ کے وزیر توانائی امتیاز شیخ نے کے الیکٹرک حکام سے اعلیٰ سطحی اجلاس میں ملاقات کے بعد کراچی کے شہریوں کو نوید سنائی تھی کہ آئندہ 24 گھنٹوں میں صورتحال بہتر ہو جائے گی۔

سندھ کے دوسرے بڑے شہر حیدرآباد میں بھی بجلی کا شارٹ فال 500 میگا واٹ تک پہنچ گیا ہے جب کہ حیسکو حکام نے لائن لاسز والے علاقوں میں لوڈ شیڈنگ کا دورانیہ بھی بڑھا دیا ہے۔

حیدرآباد کے زیادہ تر علاقوں میں شہریوں کے مطابق 10 سے 12 گھنٹوں کی طویل لوڈ شیڈنگ کی جا رہی ہے جب کہ ملحقہ دیہی علاقوں میں 14 تک بجلی کی فراہمی معطل ہو رہی ہے۔

ہم نیوز کے مطابق سکھر اور روہڑی میں بھی لوڈ شیڈنگ کا دورانیہ بڑھ کر 10 گھنٹوں سے تجاوز کر گیا ہے۔

کے الیکٹرک ذمہ داری قبول کرے، افسران قبلہ درست کریں، عوام کو ریلیف دیں، حکومت سندھ

ہم نیوز کے مطابق گوجرانوالہ سمیت گرد و نواح کے علاقوں میں بھی غیر اعلانیہ لوڈ شیڈنگ کا سلسلہ 6 سے 8 گھنٹے تک طویل ہے جب کہ ملحقہ دیہی علاقوں میں بجلی 8 سے 10 گھنٹے تک بند کی جا رہی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More