کامن ویلتھ گیمز کے بعد2 پاکستانی باکسرز غائب

ہم نیوز  |  Aug 10, 2022

برطانیہ کے شہر برمنگھم میں ہونے والی کامن ویلتھ گیمز کے بعد سے دو قومی باکسرز سلیمان بلوچ اور نذیر اللہ غائب ہو گئے۔

ذرائع کے مطابق پاکستان باکسنگ فیڈریشن (پی بی ایف) نے دونوں باکسرز کے غائب ہونے کی مقامی انتظامیہ کو اطلاع کر دی ہے۔

سلیمان بلوچ نے 63 کلوگرام ویلٹر ویٹ کیٹگری جب کہ نذیر اللہ نے کامن ویلتھ گیمز کی 92 کلوگرام ہیوی ویٹ مقابلے میں شرکت کی تھی۔

باکسنگ ٹیم برطانیہ سے دونوں باکسرز کو لئے بغیر وطن واپسی کیلئے روانہ ہو گئی ہے۔

ذرائع کے مطابق دونوں باکسرز کے پاسپورٹ اور دیگر سفری دستاویزات باکسنگ فیڈریشن کے ہمراہ ہیں، کامن ویلتھ گیمز کے سلسلے میں 4 آفیشلز اور 5 باکسرز برطانیہ گئے تھے۔

ذرائع کا کہنا ہے کہ نذیر اللہ اور سلمان بلوچ نے پاکستانی سفارتخانے کے ظہرانے میں شرکت بھی کی تھی جس کے بعد سے دونوں کھلاڑی رابطے میں نہیں ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More