ورلڈ جونیئر سکواش: پاکستان انڈیا کو شکست دے کر سیمی فائنل میں پہنچ گیا

اردو نیوز  |  Aug 20, 2022

ورلڈ جونیئر سکواش ٹورنامنٹ کے ٹیم ایونٹ میں پاکستان نے انڈیا کو شکست دے کر سیمی فائنل کے لیے کوالیفائی کر لیا۔

جمعے کو ہونے والے مقابلوں میں پاکستانی کھلاڑی نور زمان نے انڈین کرشنا مشرا کو تین صفر جب کہ محمد حمزہ خان نے ارنو سارین کو دو کے مقابلے میں تین گیمز سے شکست دی۔

اس سے قبل گروپ سی میں سرفہرست رہنے والی پاکستانی ٹیم نے نیدرلینڈز، ہانگ کانگ اور گیانا کو شکست دی تھی۔

جمعے سے ٹورنامنٹ کا ناک آوٹ مرحلہ شروع ہوا ہے جس کی پہلی سٹیج پر پاکستان نے انڈیا سے کامیابی حاصل کی ہے۔

What a shot!

@iamhamzakhan21 rips one into the nick as Pakistan hunt for a return to the semi-finals!

Watch WSF Men's World Junior Team Championship action live and free https://t.co/YUOVmXk8xq#Squash #WSFJuniors @paksquash pic.twitter.com/0AHN8rk54a

— World Squash (@WorldSquash) August 19, 2022

سیمی فائنل میں پاکستانی ٹیم سنیچر 20 اگست کو مصر کی ٹیم سے مقابلہ کرے گی۔ دونوں ٹیموں کو ٹورنامنٹ کی ٹاپ سیڈ سائیڈز میں شمار کیا جاتا ہے۔

فرانس میں جاری ورلڈ جونیئر ٹیم سکواش ٹورنامنٹ کا فائنل 21 اگست کو کھیلا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More