پی ٹی آئی کا ممکنہ لانگ مارچ اور دھرنا: اسلام آباد پولیس کی تیاریاں مزید تیز

ہم نیوز  |  Sep 26, 2022

اسلام آباد: پاکستان تحریک انصاف کے ممکنہ لانگ مارچ اور دھرنے سے نمٹنے کے لیے وفاقی دارالحکومت اسلام آباد کی پولیس نے تیاریاں مزید تیز کردی ہیں۔

ہم نیوز نے اس ضمن میں ذمہ دار ذرائع سے بتایا ہے کہ اسلام آباد پولیس نے مظاہرین کو روکنے کے لیے 40 ہزار آنسو گیس کے شیل منگوائے ہیں جن کی قیمت سات کروڑ روپے بنتی ہے۔ ذرائع کے مطابق سرکاری طور پر ایک آنسو گیس شیل کی قیمت 1750 روپے مقرر ہے۔

ذمہ دار ذرائع کا کہنا ہے کہ پولیس ہیڈ کوارٹرز میں معمول کے مطابق 15 ہزار تک آنسو گیس کے شیل اسٹاک میں موجود ہوتے ہیں۔

ہم نیوز کو ذرائع نے بتایا ہے کہ آنسو گیس کے شیل شارٹ رینج 75 میٹرز اورلانگ رینج 150 میٹرز منگوائے گئے ہیں، اسلام آباد پولیس کو آنسو گیس کے شیل کی ترسیل مرحلہ وار ہو گی۔

پی ٹی آئی کا ممکنہ لانگ مارچ: اسلام آباد پولیس کی تیاریاں شروع

اعداد و شمار کے حوالے سے ذرائع نے بتایا ہے کہ 25 مئی کے احتجاج میں ایک دن میں 8 ہزار آنسو گیس شیلوں کا استعمال کیا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More