جیتنا ہے تو اٹیکنگ کرکٹ کھیلنا ہو گی، رمیز راجہ

ہم نیوز  |  Dec 06, 2022

پاکستان کرکٹ بورڈ کے چئیرمین رمیز راجہ نے کہا ہے کہ اگر ٹیسٹ سیریز جیتنی ہے تو اٹیکنگ کرکٹ کھیلنی ہو گی۔

رپورٹ کے مطابق رمیز راجہ نے پنڈی ٹیسٹ ہارنے پر مایوسی کا اظہار کرتے ہوئے کہا کہ ٹیم کو ٹیسٹ میچ میں اٹیکنگ گیم کھیلنے کی ہدایت کی ہے، کھلاڑیوں کو کہا ہے کہ جس طرح انگلینڈ کھیلا ہے، اس سے ایک ہاتھ آگے آپ کو کھیلنا ہو گا۔

انہوں نے یہ بھی کہا کہ انگلینڈ کے خلاف ٹیسٹ میچ جیتا جا سکتا تھا، پلیئرز تھوڑی اور جان مارتے تو رزلٹ مختلف ہوتا، فاسٹ بالرز کو اپنا رول ادا کرنا ہو گا۔

واضح رہے پاکستان اور انگلینڈ کے مابین پہلے ٹیسٹ میچ میں انگلینڈ نے پاکستان کو 74 رنز سے شکست دے دی تھی، جبکہ دوسرا ٹیسٹ میچ ملتان میں کھیلا جائے گا۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More