راولپنڈی: بھارتی فوج کے لیفٹیننٹ جنرل ایس موہن نے اقوام متحدہ کے امن مشن میں خدمات انجام دینے والے پاکستانی فوجیوں کی پیشہ وارانہ مہارت کا اعتراف کیا ہے۔
پاک فوج کے شعبہ تعلقات عامہ (آئی ایس پی آر) کے مطابق پاک فوج کے امن دستے اقوام متحدہ کی سلامتی کونسل کی جانب سے سوڈان میں امن و سلامتی کے قیام کے لیے اپنی ذمہ داریاں انجام دے رہے ہیں۔ پاک فوج کے امن دستوں نے شہریوں کے تحفظ کو یقینی بنانے کے لیے مشکل چیلنج میں کام کیا۔ اور یہی ان کی ترجیح بھی رہی ہے۔
فوجی اہلکاروں نے سیلاب سے متاثرہ علاقوں سے بےداخل ہونے والے ڈھائی لاکھ سوڈانیوں کی دن رات خدمت کی۔ فورس کمانڈر یونائیٹڈ مشن بھارتی لیفٹیننٹ جنرل ایس موہن نے پاکستانی امن دستے کی پیشہ ورانہ مہارت کا اعتراف کیا۔ یہ اعتراف پاکستان کے چیف آف آرمی اسٹاف جنرل سید عاصم منیر کو ایک خط کی صورت میں کیا گیا ۔
بھارتی جنرل آفیسر نے پاکستانی امن فوجیوں کی پیشہ وارانہ مہارت، لگن اور غیر متزلزل عزم کو سراہا۔ بریگیڈیئر شفقت اقبال کے بطور سیکٹر کمانڈر، لیفٹیننٹ کرنل شہباز اسلم بطور کمانڈنگ آفیسر کے کردار کو خصوصی طورپر سراہا۔
یہ بھی پڑھیں: آئی ایم ایف کیساتھ مذاکرات کے دوران چین کامسلسل تعاون قابل تحسین ہے،وزیراعظم
آئی ایس پی آر نے کہا کہ فورس کمانڈر کی پہچان بین الاقوامی امن کی کوششوں میں ایک قابل اعتماد۔ اور قابل شراکت دار کے طور پر پاکستانی فوج کی ساکھ کا ثبوت ہے۔
پاکستان اقوام متحدہ کے امن مشنز میں فعال تعاون کے ذریعے عالمی امن اور سلامتی کے نظریات کو عملی جامہ پہنانے میں مدد کے لیے عالمی برادری کے ایک ذمہ دار رکن کے طور پر اہم کردار ادا کرنے کے لیے پرعزم ہے۔