محکمہ موسمیات نے خبردار کیا ہے کہ 26 ستمبر سے یکم اکتوبر کے دوران پاکستان کے مختلف خطوں میں تیز ہواؤں اور گرج چمک کے ساتھ بارشیں ہونے کا قوی امکان ہے۔ اسلام آباد، پنجاب، خیبر پختونخوا، گلگت بلتستان اور کشمیر میں موسلا دھار بارشوں کی پیش گوئی کی گئی ہے۔
سندھ کے حوالے سے محکمہ موسمیات کا کہنا ہے کہ میرپورخاص، تھرپارکر اور عمرکوٹ میں جمعرات سے ہفتے تک بارش ہو سکتی ہے، جبکہ سندھ کے دیگر علاقوں میں موسم گرم اور خشک رہنے کی توقع ہے۔
کراچی والوں کے لیے اگلے 24 گھنٹوں کے دوران شہر کا موسم شدید گرم اور مرطوب رہنے کا امکان ہے۔ کم سے کم درجہ حرارت 27.5 ڈگری سینٹی گریڈ اور زیادہ سے زیادہ 35 ڈگری سینٹی گریڈ رہ سکتا ہے، جبکہ ہوا میں نمی کا تناسب 81 فیصد ریکارڈ کیا گیا ہے۔ اس وقت مغربی سمت سے 11 کلومیٹر فی گھنٹہ کی رفتار سے ہوائیں چل رہی ہیں۔
بلوچستان کے بیشتر اضلاع میں موسم خشک اور گرم رہے گا، جہاں گرمی کی شدت برقرار رہنے کی توقع ہے۔