افریقی ملک کانگو کے دارالحکومت کنشاسا میں انتہائی بدنامِ زمانہ جیل سے ہزاروں بیمار قیدیوں کو رہا کر دیا گیا۔
غیرملکی میڈیا کے مطابق کنشاسا کی مکالا جیل سے 1685 قیدیوں کی رہائی جیل میں بڑھتی تعداد کو کم کرنے کے اقدام کے تحت کی گئی۔
میڈیا رپورٹس کے مطابق رہا ہونے والے کچھ قیدیوں کی حالت بہت تشویشناک تھی ، بعض قیدی غذائی قلت کا شکار تھے جبکہ بعض شدید بیماری کے باعث کھڑے ہونے کے قابل نہیں تھے۔
بنگلہ دیش میں ہجوم کا جیل پر دھاوا ، 500 سے زائد قیدی فرار کرا دیئے
غیر ملکی میڈیا نے بتایا کہ رواں ماہ اسی جیل کے 129 قیدی جیل توڑنے کی کوشش میں ہلاک ہو گئے تھے ، کچھ قیدیوں کو سکیورٹی فورسز نے گولی مار کر ہلاک کر دیا تھا جبکہ دیگر بھگدڑ کے دوران کچلنے کی وجہ سے جان کی بازی ہار بیٹھے تھے۔