وفاقی وزیر توانائی اویس لغاری نے چاروں صوبوں کے وزرائے اعلیٰ کو واجب الادا بجلی بلز پر خطوط لکھ دیئے۔
چاروں وزرائے اعلیٰ سے فوری طور پر بجلی کے بقایاجات کی ادائیگی یقینی بنانے کی درخواست کی گئی ہے۔
خط میں کہا گیا ہے کہ واجب الادا بجلی بلز کی وجہ سےتوانائی کے شعبے میں جاری اصلاحات متاثر ہو رہی ہیں، صوبوں کے مختلف محکمے بجلی کے بلز کی ادائیگی میں غفلت برت رہے ہیں۔
اویس لغاری نے خط میں کہا ہے کہ بجلی بلوں کی عدم ادائیگی کی وجہ سے پاور کمپنیوں پر مالی بوجھ بڑھ رہا ہے، واجب الادا بلز کی وجہ سے بجلی کی بلا تعطل سپلائی میں مشکلات کا سامنا ہو سکتا ہے۔
نیشنل گرڈ میں شامل ہونے والی نئی بجلی مزيد مہنگی ہوگی، اویس لغاری
وفاقی وزیرتوانائی نے اس معاملے پر وزرا ئے اعلیٰ سے فوری مداخلت کی اپیل کی ہے۔
انہوں نے کہا ہے کہ بقایاجات کی عدم ادائیگی سےسرکلر ڈیٹ بحران بھی سنگین ہو رہا ہے، توانائی کے شعبے میں استحکام کیلئےوفاقی حکومت صوبائی حکومت سے تعاون کی امید ظاہر کرتی ہے۔