پنجاب کے مختلف علاقے شدید دھند کی لپیٹ میں آ گئے، کئی مقامات پر موٹرویز کو ٹریفک کیلئے بند کردیا گیا۔
ترجمان موٹروے پولیس کے مطابق پنجاب کے مختلف مقامات پر شدید دھند کے باعث موٹروے ایم 3 کو سمندری سے درخانہ تک بند کردیا گیا۔
مختلف علاقے شدید دھند کی لپیٹ میں آ گئے، کئی مقامات سےموٹرویز بند
موٹروے ایم 4 فیصل آباد سے ملتان تک جبکہ موٹروے ایم 5 ملتان سے ظاہر پیر تک دھند کے باعث موٹرویزکو ٹریفک کے لئے بند کردیا گیا۔
موٹرویزکوعوام کی حفاظت اور محفوظ سفر یقینی بنانے کیلئے بند کیا گیا ہے، شہری زیادہ سے زیادہ دن کے اوقات صبح 10سے شام 6 بجے تک سفر کریں۔
ترجمان نے مزید بتایا کہ عوام غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں، ڈرائیورز فوگ لائٹس کا استعمال کریں۔