بنگلہ دیشی فاسٹ بالر تسکین احمد نے محمد عامر کا چار سالہ پرانا ریکارڈ توڑ دیا۔
تسکین احمد نے بنگلہ دیش پریمیئر لیگ کے میچ میں 4 اوورز میں 19 رنز کے عوض 7 وکٹیں حاصل کرکے اہم اعزاز اپنے نام کرتے ہوئے پاکستانی بالر محمد عامر کا بہترین بالنگ کاریکارڈ توڑ دیا۔
بی پی ایس میں راج شاہی کی جانب سے کھیلتے ہوئے انہوں نے سات کھلاڑیوں کو آؤٹ کیا، لیگ کے میچ میں بہترین بالنگ کا اعزاز حاصل کرتے ہوئے انہوں نے محمد عامر کو بھی پیچھے چھوڑ دیا۔
پی ایس ایل 10 کیلئے نیوزی لینڈ کے مارک چیپمین نے بھی رجسٹریشن کروا لی
سابق پاکستانی فاسٹ بالر نے 2020ء میں بی پی ایل میں کھلنا ٹائیگرز کی جانب سے کھیلتے ہوئے سلہٹ رائلز کے چھ کھلاڑیوں کو صرف 17 رنز کے عوض آؤٹ کیا۔
بنگلہ دیشی بالر ٹی ٹوئنٹی کرکٹ میں سات وکٹیں حاصل کرنے والے تیسرے بہترین بالر بن گئے ہیں، ٹی ٹوئنٹی میں بہترین بالنگ کا ریکارڈ ملائیشیا کے کھلاڑی سیازرول ادروس کے پاس ہے انہوں نے چین کے خلاف 8 رنز دے کر سات وکٹیں حاصل کی تھیں، فہرست میں دوسرے نمبر پر نیدر لینڈز کے کولن ایکر ہیں انہوں نے سات وکٹیں 18 رنز کے عوض حاصل کر رکھی ہیں۔