تحریک انصاف کا حکومت کے ساتھ مذاکرات ختم کرنے کا اعلان

تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی نے حکومت سے مذاکرات ختم کرنے کا اعلان کر دیا ہے۔

بیرسٹر گوہر نے کہا کہ آج جیل میں انہوں نے یہ اعلان کیا ۔حکومت نے 7 روز میں کمیشن بنانا تھا اور آج سات دن پورے ہو چکے ہیں۔

9 مئی توڑ پھوڑ کیس ، عدم پیشی پر عمر ایوب کے وارنٹ گرفتاری جاری

حکومت کی جانب سے آج تک کمیشن نہیں بنایا گیا، اس لئے بانی پی ٹی آئی نے مذاکرات ختم کرنے کا اعلان کیا ہے۔

ان کا کہنا تھا کہ آج تک ہم نے حکومت کو وقت دیا تھا، بانی پی ٹی آئی نے واضح کیا تھا کہ کمیشن نہ بنا تو مذاکرات کے مزید راؤنڈ نہیں چلیں گے۔

ہماری خواہش تھی کہ مذاکرات آگے بڑھیں لیکن سیاسی اختلافات اتنے ہیں کہ برف پگھل نہیں رہی، بانی پی ٹی آئی نے آج مذاکرات کال آف کر دیئے ہیں۔