سیکیورٹی فورسز نے خیبر پختونخوا کے مختلف علاقوں میں کامیاب آپریشنزکئے جس میں 10خارجی مارے گئے۔
آئی ایس پی آرکے مطابق شمالی وزیرستان میں فائرنگ کے تبادلے میں 6خارجی ہلاک ہوئے جبکہ ڈی آئی خان میں سیکیورٹی فورسز کی کارروائی کے دوران 4خارجی مارے گئے ۔
وزیراعظم7 فروری کو قذافی سٹیڈیم کا افتتاح کریں گے ،محسن نقوی
ہلاک ہونے والے خوارج کے قبضے سے اسلحہ اور گولہ بارود برآمد ہوا جو سیکیورٹی فورسز کیخلاف کارروائیوں اور شہریوں کے قتل میں ملوث تھے۔
علاقے میں ممکنہ دہشت گردوں کے خاتمے کیلئے کلیئرنس آپریشن جاری ہے،سیکیورٹی فورسز ملک سے دہشت گردی کے خاتمے کیلئے پرعزم ہیں۔
وزیرداخلہ محسن نقوی نے خارجیوں کیخلاف کامیاب آپریشنز پر سیکیورٹی فورسز کو خراج تحسین پیش کیا ،اپنے ایک بیان میں ان کا کہنا تھا کہ سیکیورٹی فورسز نے خارجیوں کے ناپاک عزائم کو خاک میں ملایا۔
سیکیورٹی فورسز نے 10 خارجیوں کو عبرتناک انجام تک پہنچایا،10خارجیوں کو ہلاک کرنے پر سیکیورٹی فورسز کو شاباش دیتے ہیں،خیبرپختونخوا میں قیام امن کیلئے سیکیورٹی فورسز کے اقدامات لائق تحسین ہیں۔
چیمپئنز ٹرافی کیلئے قومی سکواڈ کا اعلان،فخر زمان ،خوشدل شاہ،سعود شکیل اور فہیم اشرف کی واپسی
قوم کی حمایت سے خارجیوں کا مکمل خاتمہ کریں گے،قوم دہشتگردی کیخلاف جنگ میں سیکیورٹی فورسز کے شانہ بشانہ کھڑی ہے،سیکیورٹی فورسز نے خارجیوں کیخلاف نمایاں کامیابیاں سمیٹی ہیں۔
صدر مملکت آصف زرداری نے بھی خارجیوں کیخلاف کامیاب آپریشنز پر سیکیورٹی فورسز کو خراج تحسین پیش کیا،صدر مملکت نے کامیاب آپریشنز میں 10 خوارج کو ہلاک کرنے پرسیکیورٹی فورسز کی بہادری کو سراہا۔
صدرمملکت آصف علی زرداری نے ملک سے فتنہ الخوارج کے مکمل خاتمے کے عزم کا اعادہ کیا اور کہا سیکیورٹی فورسز دہشتگردی کے خاتمے کیلئے کارروائیاں کر رہی ہیں۔
پوری قوم دہشت گردی کے خلاف متحد ہے،دہشتگردی کے مکمل خاتمے تک فتنہ الخوارج کیخلاف کارروائیاں جاری رہیں گی۔
مذاکرات کے ذریعے سیاسی مسائل کے حل پر یقین رکھتا ہوں،مولانافضل الرحمان
وزیراعظم شہبازشریف نے بھی خوارج کیخلاف کامیاب کارروائیوں پر سیکیورٹی فورسز کی ستائش کی،انہوں نے 10 خوارج کو ہلاک کرنے پر سیکیورٹی فورسز کو خراج تحسین پیش کیا۔
شہبازشریف کا کہنا تھا کہ قوم دہشتگردوں کیخلاف جنگ میں سیکیورٹی فورسز کے ساتھ کھڑی ہے،ملک سے ہر قسم کی دہشت گردی کے خاتمے کے لئے پر عزم ہیں۔