الیکٹرک گاڑیوں کے چارجنگ اسٹیشنز کے ٹیرف میں کمی پر اہم پیش رفت سامنے آئی، حکومت نے ٹیرف میں کمی کیلئے نیپرا میں درخواست دائر کردی۔
الیکٹرک گاڑیوں کے چارجنگ اسٹیشنز کے ٹیرف میں کمی کیلئے نیپرا میں درخواست دائر کردی گئی۔
نیپرا اتھارٹی وفاقی حکومت کی درخواست پر 12 فروری کو سماعت کرے گی۔
درخواست میں گاڑیوں کے چارجنگ اسٹیشنز کے بنیادی ٹیرف میں 23 روپے 57 پیسے کمی کی تجویز دی ہے۔
حکومتی درخواست میں کہا گیا ہے کہ موجودہ اور مجوزہ بنیادی ٹیرف میں فرق سبسڈی سے پورا کیا جائے گا۔
درخواست میں کہنا ہے کہ الیکٹرک گاڑیوں کے چارجنگ اسٹیشنز پر موجودہ تمام ٹیکسزلاگورہیں گے اور چارجنگ اسٹیشنز پر موجودہ تمام ایجسمنٹ کا اطلاق ہوگا۔
حکومتی درخواست میں مزید کہا گیا ہے کہ چارجنگ اسٹیشنز کے لیے مارجن کے تعین کا اختیار مارکیٹ کو دیا جائے۔
حکومت نے چارجنگ اسٹیشنز کے لیے 44 فیصد کم رعایتی ٹیرف کا اعلان کررکھا ہے، اسٹیشنز کو 71 کی بجائے چارجنگ 39.70 روپے فی یونٹ ٹیرف ملے گا۔
درخواست میں کہنا تھا کہ سال 2030 تک 30 فیصد الیکٹرک گاڑیوں کی شمولیت کا ہدف حاصل کیا جائے گا۔