بالی ووڈ کی معروف اداکارہ کرینہ کپور کا اپنے شوہر اداکار سیف علی خان پر حملے اور اس سے متعلق زیرِ گردش قیاس آرائیوں کے درمیان پہلا مبہم پیغام سامنے آگیا ہے۔
فوٹو اینڈ ویڈیو شیئرنگ پلیٹ فارم انسٹاگرام پر شیئر کی گئی اداکارہ کی انسٹا اسٹوری حملے کے بعد ان کے جذبات کو ظاہر کر رہی ہے۔
انسٹا اسٹوری میں جب وی میٹ کی اداکارہ نے زندگی میں عاجزی کی اہمیت پر ایک نوٹ شیئر کیا ہے۔
ان کے مطابق شادی، طلاق، پریشانی، بچے کی پیدائش، کسی عزیز کی موت یا پھر والدین کے احساس کو صحیح معنوں میں کوئی بھی کبھی نہیں سمجھ سکتا جب تک کہ وہ اس کا تجربہ خود نہ کرلے۔
انسٹا اسٹوری میں مزید کہا گیا ہے کہ کسی کے خیالات یا تصورات کا حقیقت سے تعلق نہیں، اگر کوئی یہ سمجھتا ہے کہ وہ سب سے زیادہ ہوشیار اور سب جانتا ہے تو یہ اس وقت تک ہے جب تک زندگی آپ پر مہربان ہے۔