گزشتہ ہفتے سعودی عرب میں غیر قانونی تارکین کے خلاف کام کرنے والی مشترکہ کمیٹی نے 21 ہزار 477 غیر قانونی تارکین وطن کو گرفتار کیا ہے۔
کمیٹی کی جانب سے جاری بیان میں کہا گیا ہے کہ 30 جنوری سے 5 فروری 2025 کے درمیان ہونے والی گرفتاریوں میں سے 13638 اقامہ قوانین کی خلاف ورزی،4663 گرفتار شدگان سرحدی قوانین کی خلاف ورزی کے مرتکب تھے جبکہ 3176 تارکین لیبر قوانین کی خلاف ورزی میں ملوث تھے۔
سعودی گولڈ مارکیٹ میں سونا مہنگا ہوگیا
مذکورہ عرصے کے دوران 1316 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے جن میں سے 40 فیصد یمنی، 58 فیصد ایتھوپی جبکہ دوفیصد دیگر ممالک کے تارکین تھے۔
کمیٹی کی جانب سے مزید کہا گیا ہے کہ غیر قانونی تارکین کو سہولت فراہم کرنے پر 13 افراد گرفتار کئےگئے ہیں۔