ایف آئی اے نے لیبیا کشتی حادثے میں 16 پاکستانیوں میں سے 7 کے جاں بحق ہونے کی تصدیق کر دی۔
وفاقی تحقیقاتی ایجنسی کے مطابق جاں بحق ہونے والوں میں 6 افراد کا تعلق ضلع کرم اور ایک کا باجوڑ سے ہے۔ جاں بحق پاکستانیوں کی شناخت ان کے پاسپورٹ سے کی گئی ہے۔
مراکش کشتی حادثے میں جاں بحق 4 پاکستانیوں کی لاشیں وطن پہنچا دی گئیں
ابتدائی معلومات میں یہ بات سامنے آئی تھی کہ حادثے میں 16 پاکستانی جاں بحق ہوئے تاہم گزشتہ روز جاں بحق ہونے والے صرف 10 افراد کی لاشیں نکالی گئی تھیں۔
ترجمان دفترِ خارجہ نے گزشتہ روز بتایا تھا کہ طرابلس میں پاکستان کے سفارتخانے نے مطلع کیا ہے کہ تقریباً 65 مسافروں کو لے جانے والا بحری جہاز لیبیا کے زاویہ شہر کے شمال مغرب میں مارسا ڈیلا کی بندرگاہ کے قریب الٹ گیا ہے۔
فیصل آباد، کشتی حادثات کے تناظر میں ائیر پورٹ پر چیکنگ سخت، درجنوں مسافرآف لوڈ
ترجمان نے یہ بھی بتایا تھا کہ طرابلس میں پاکستانی سفارت خانے نے فوری طور پر ایک ٹیم کو زاویہ اسپتال روانہ کر دیا ہے تاکہ مرنے والوں کی شناخت میں مقامی حکام کی مدد کی جا سکے۔