پشاور: پاکستان تحریک انصاف (پی ٹی آئی) کے رہنما شہریار آفریدی نے کہا ہے کہ بانی پی ٹی آئی سے ملاقات ہوئی انہوں نے شیر افضل مروت کے حوالے سے کچھ نہیں کہا۔
پی ٹی آئی کے رہنما اور رکن قومی اسمبلی شہریار آفریدی نے ہائیکورٹ کے باہر میڈیا سے گفتگو کرتے ہوئے کہا کہ شیر افضل مروت کی پارٹی کے لیے خدمات ہیں۔ اور پارٹی نے جہاں بلایا شیر افضل مروت وہاں پہنچے۔
انہوں نے کہا کہ شیر افضل مروت کے لیے بانی پی ٹی آئی سے بات کریں گے۔ بانی پی ٹی آئی سے کل ملاقات ہوئی انہوں نے شیر افضل مروت کے حوالے سے کچھ نہیں کہا۔
یہ بھی پڑھیں: پی ٹی آئی کا آئی ایم ایف کو جمع کرایا گیا ڈوزیئر ملکی معیشت کو سبوتاژ کرنے کی کوشش ہے
شہریار آفریدی نے کہا کہ قانون کی بالادستی کے لیے ہم سب نے ایک ہونا ہے۔ چیئرمین پی ٹی آئی بیرسٹر گوہر سے شیر افضل مروت کے حوالے سے کل پوچھا تو انہیں بھی کچھ پتہ نہیں تھا۔
انہوں نے کہا کہ بانی پی ٹی آئی سے ملاقات کر کے شیر افضل مروت کے معاملہ کا پتہ کریں گے۔