مختلف شہروں میں مرغی کا گوشت مہنگا ہو گیا ہے، لاہورمیں مرغی کی قیمت میں کوئی ردوبدل نہیں ہوئی جبکہ انڈے مزید مہنگے ہو گئے ہیں۔
لاہور انتظامیہ کی جانب سے جاری کئے گئے سرکاری نرخنامے میں مرغی کی قیمت میں کوئی تبدیلی نہیں ہوئی، برائلر گوشت کی قیمت 595 روپے کلو کی سطح پر مستحکم ہے۔
لاہور میں زندہ برائلرمرغی کا تھوک ریٹ 397 روپے کلو جبکہ زندہ برائلر کا پرچون ریٹ 411روپے فی کلو ہے۔ لاہور میں انڈوں کی قیمت میں چار روپے کا اضافہ ہوا ہے۔
انڈوں کی قیمت میں مزید اضافے سے قیمت 280 روپے سے بڑھ کر 284 روپے فی درجن ہو گئی ہے۔
سیالکوٹ میں مرغی کا گوشت 107 روپے اضافے کے ساتھ 700 روپے کلو میں فروخت ہو رہا ہے۔کراچی میں مرغی کے گوشت کی سرکاری قیمت 650 روپے ہے جس کے برعکس 700 روپے سے زائد پر فروخت جاری ہے، زندہ مرغی کی قیمت 500روپے کلو تک پہنچ چکی ہے۔