سابق کپتان کا اچانک استعفیٰ، کرکٹ کی حلقوں میں نئی بحث چھڑ گئی

بنگلہ دیش کرکٹ ٹیم کے سابق کپتان اور مایہ ناز وکٹ کیپر بلے باز مشفیق الرحیم نے ایک روزہ کرکٹ سے ریٹائرمنٹ کا اعلان کر دیا ہے۔

میڈیا رپورٹس کے مطابق، مشفیق الرحیم نے سماجی رابطے کی ویب سائٹ پر ایک بیان میں کہا کہ "آج سے میں ایک روزہ کرکٹ سے ریٹائرمنٹ کا اعلان کر رہا ہوں اور جو کچھ حاصل کیا، اس پر اللہ کا شکرگزار ہوں۔" انہوں نے مزید کہا کہ "جب بھی میں اپنے ملک کے لئے میدان میں اترا، میں نے پوری دیانت داری اور عزم کے ساتھ 100 فیصد سے زیادہ توجہ دی۔ میرے لیے گزشتہ چند ہفتے بہت چیلنجنگ رہے ہیں۔"سابق کپتان مشفیق الرحیم نے اپنے خاندان، دوستوں اور مداحوں کا شکریہ ادا کیا جنہوں نے ان کا 19 سالہ کرکٹ کیریئر سپورٹ کیا۔ واضح رہے کہ 37 سالہ مشفیق الرحیم نے 6 اگست 2006ء کو زمبابوے کے خلاف ہرارے میں اپنے ایک روزہ کرکٹ کی سفر کا آغاز کیا تھا، اور ان کا آخری ون ڈے میچ 24 فروری 2025 کو چمپیئنز ٹرافی میں نیوزی لینڈ کے خلاف کھیلا گیا۔