پی ٹی آئی رہنما اور سینیٹر بیرسٹرعلی ظفر نے کہا ہے کہ دہشت گردی کیخلاف جنگ میں شہید جوانوں کیساتھ کھڑے ہیں۔
ہم نیوز کے پروگرام ” فیصلہ آپ کا” میں گفتگو کرتے ہوئے علی ظفر نے کہا کہ ہم چاہتے ہیں کہ دہشت گردی کےمسئلے کامستقل حل نکالا جائے،دہشت گردی جیسے مسئلے پر مکمل اتفاق رائے پیدا کرنا پڑتاہے۔
عمر ایوب کو گرفتار کرکے عدالت پیش کرنے کا حکم
ہم نے ایک تجویز دی تھی کہ بانی پی ٹی آئی کو پیرول پر کچھ گھنٹوں کیلئے لےکرآئیں، پاکستان کی سالمیت کامقصد تو پھر ایک شخص کو شامل کرنے میں کیا حرج ہے، انکو اجلاس میں شامل کرنا ضروری ہے۔
انہوں نے کہا کہ پاکستان ہم سب کے لیے نمبرون ترجیح ہے، ہماری پارٹی کے لیڈر کو بھی مشاورت میں لایا جائے، پیرول پرحکومت کو مسئلہ کیا ہے،بانی پی ٹی آئی پاکستان کی خاطرآ کرمسئلے کا حل ڈھونڈنا چاہتے تھے۔
انہوں نے مزید کہا کہ ہم نے اتنی بڑی ڈیمانڈ تو نہیں کی جو حکومت پوری نہ کر سکے، پارلیمان میں پارلیمنٹ کے باہر سے بلانے کی اجازت ہے، بڑے اور قومی مسئلے پر بانی پی ٹی آئی کو بلایا جا سکتا تھا۔