نیشنل ہائی وے اتھارٹی (این ایچ اے) نے رواں برس ٹول ٹیکس میں دوسری بار اضافہ کر دیا۔
حکام کے مطابق ٹول ٹیکس میں حالیہ اضافہ یکم اپریل سے نافذ العمل ہو گا۔ شاہراہوں پر موٹرکار سے 70 روپے اور ویگن سے 150 روپے ٹول ٹیکس وصول کیا جائے گا۔
بس سے 250 روپے، 2 اور 3 ایکسل ٹرک سے 300 روپے اور بڑے ٹرکوں سے 550 روپے ٹول ٹیکس وصول کیا جائے گا۔ ایم ون ، ایم تھری، ایم فور ، ایم فائیو، ایم فورٹین اور ایم 35 پر ٹول ٹیکس میں بھاری اضافہ کیا گیا ہے۔
اسلام آباد سے پشاور ایم ون موٹروے پر کار کا ٹول ٹیکس 500 سے بڑھا کر 550 روپے مقرر کیا گیا ہے۔ جبکہ لاہور سے عبدالحکیم ایم تھری پر کار کے لیے ٹول ٹیکس 700 روپے سے بڑھا کر 800 روپے کر دیا گیا ہے۔
پنڈی بھٹیاں سے فیصل آباد اور ملتان جانے والی ایم فور پر کار کے لیے ٹول ٹیکس 950 سے بڑھا کر 1050 روپے مقرر کیا گیا ہے۔ اور ملتان سے سکھر جانے والی ایم 5 پر کار کا ٹول ٹیکس 1100 روپے سے بڑھا کر 1200 روپے کر دیا گیا۔
ڈیرہ اسماعیل خان (ڈی آئی خان) تا ہکلہ موٹروے ایم چودہ پر موٹر کار کا ٹول ٹیکس 600 روپے بڑھا کر 650 کر دیا گیا۔ حسن ابدال، حویلیاں، مانسہرہ ایم 35 پر موٹر کار کا ٹول ٹیکس 250 روپے سے بڑھا 300 روپے مقرر کیا گیا ہے۔
ایم ون، ایم تھری، ایم فور ، ایم فائیو، ایم فورٹین اور ایم 35 موٹروے پر بڑی گاڑیوں کا ٹول ٹیکس 850 سے لے کر 5 ہزار 750 روپے مقرر کیا گیا ہے۔