بالی ووڈ سپر اسٹار سلمان خان کا کہنا ہے کہ انکی آئندہ آنے والی فلم سکندر باکس آفس پر 200 کروڑ روپے کو کراس کرے گی۔
گزشتہ روز ممبئی میں فلم کے ٹریلر کی ریلیز کےموقع پرانکا کہنا تھا انھیں یقین ہے کہ یہ فلم کامیاب ہوگی۔ ان کے مطابق فلم کا معیار کچھ بھی ہو، یہ ایکشن تھرلر باکس آفس پر 200 کروڑ روپے کا ہندسہ عبور کرے گی۔
انھوں نے کہا عید، دیوالی، نیو ایئر، تہوار ہو یا تہوار نہ ہو، یہ لوگوں کی محبت ہے۔ پکچر اچھی ہو یا بری ہو، وہ دو سو کروڑ تو پار کر ہی دیتی ہے۔
سلمان خان کی فلم سکندر 30 مارچ کو سینما گھروں کی زینت بنے گی
تاہم اس دوران انھوں نے اپنی ہی تصیح کی اور کہا کہ یہ فلم دو سو کروڑ کے ہندسے کو عبور کریگی، سو کروڑ بہت پہلے کی بات ہے۔
خیال رہے کہ سلمان خان کی نئی فلم سکندر تیس مارچ کو یہ فلم سینما گھروں کی زینت بنے گی۔
سلمان خان نے جمعہ کی بجائے اتوار کو فلم ریلیز کرنے کا انتخاب کیا ہے، انہوں نے 2023ء میں ٹائیگر تھری بھی جمعہ کی بجائے اتوار کو ریلیز کرائی تھی۔
فلم سکندر کی ہدایتکاری معروف ڈائریکٹر اے آر مروگاداس نے کی ہے،اس سے قبل انہوں نے سپرہٹ فلم گجنی کی تھی،فلم سکندر کے بارے میں ان کا کہنا تھا کہ یہ صرف ایک عام فلم نہیں، بلکہ اس میں گہری خاندانی جذباتیت بھی شامل ہے۔
علیزے کا زرنش کو معاف کرنے سے صاف انکار
ان کا کہنا تھا کہ گجنی ایک عاشق اور معشوق کی کہانی تھی، مگر سکندر شوہر اور بیوی کے رشتے کے گرد گھومتی ہے۔ آج کے دور میں خاندان کیسے چلتے ہیں، جوڑے ایک دوسرے کے ساتھ کیسا سلوک کرتے ہیں اور کیا چیزیں ہم اپنی زندگیوں میں کھو چکے ہیں، یہی فلم کی سب سے بڑی طاقت ہوگی۔
اس فلم میں سلمان خان کے ساتھ راشمیکا مندنا پہلی بار جلوہ گر ہو رہی ہیں وہ ساؤتھ انڈین فلم کی سپر اسٹار ہیں، فلم میں کاجل اگروال، ستیہ راج اور شرمن جوشی بھی اداکاری کے جوہر دکھاتے نظر آئیں گے۔