پاکستان اور نیوزی لینڈ کے درمیان کھیلے جانے والے آخری ٹی ٹوئنٹی میچ کا ٹاس نیوزی لینڈ نے جیت لیا ہے۔
نیوزی لینڈ نے ٹاس جیت کر پاکستان کے خلاف فیلڈنگ کا فیصلہ کیا ہے۔ نیوزی لینڈ کے پانچ میچز کی سیریز میں تین صفر سے واضح برتری حاصل ہے۔
پاکستانی ٹیم میں اہم تبدیلیاں کی گئی ہیں، شاہین آفریدی کی جگہ محمد علی اور ابرار احمد کی جگہ سفیان مقیم کو پلئینگ الیون کا حصہ بنایا گیا ہے۔
کپتان سلمان آغا، محمد حارث، حسن نواز، عمیر بن یوسف، عثمان خان، شاداب خان، عبدالصمد، جہانداد خان، حارث رؤف، سفیان مقیم اور محمد علی ٹیم کا حصہ ہیں۔