سعودی عرب کے شہر ابھا میں موسلا دھار بارش اور ژالہ باری سے موسم مزید سرد ہو گیا۔
شدید ژالہ باری کے باعث پہاڑی علاقے نے سفید چادر اوڑھ لی ہے، موسلادھار بارش اور ژالہ باری کی وجہ سے راستے بند ہوگئے ہیں۔
دوسری جانب سعودی عرب کے محکمہ شہری دفاع نے سعودی عرب کے بیشترعلاقوں میں 28 مارچ تک شدید بارش کا الرٹ جاری کیا ہے، شہریوں کو احتیاطی تدابیر اختیار کرنے کی ہدایت کی گئی ہے۔
ملک کے مختلف علاقوں میں گرج چمک کے ساتھ تیز بارش کی پیشگوئی
شہریوں کو ہدایت کی گئی ہے کہ سیلاب سے متاثرہ مقامات، وادیوں اور نشیبی مقامات سے دور رہیں، ایسے مقامات پر جہاں بارش کا پانی جمع ہو وہاں تیراکی سے گریز کریں۔
مکہ ریجن میں درمیانے درجے سے شدید بارش ہونے کی توقع ہے جس سے سیلابی صورتحال پیدا ہوسکتی ہے۔ باحہ، عسیر اور جازان ریجن میں تیز بارش ہوسکتی ہے، نجران ریجن میں درمیانے درجے جبکہ مدینہ ریجن میں ہلکی بارش کی پیشگوئی کی گئی ہے۔